កណ្តាលៈ ភ្នាក់ងារ Post News បានរាយការណ៍មកថា មានករណី គ្រោះធម្មជាតិ ខ្យល់កន្ត្រាក់ កាលពីវេលាម៉ោង៣ដល់៤និង៥០នាទីល្ងាច ថ្ងៃទី៣ ខែឧសភា ឆ្នាំ២០១៧ នៅឃុំចំនួន៣មានភ្លៀងធ្លាក់និងមានខ្យល់កន្ត្រាក់ បណ្តាលឲ្យមានផលប៉ះពាល់ដូចខាងក្រោម៖
១.ឃុំទួលព្រេជបណ្តាលឲ្យ ខូចខាតទាំងស្រុងផ្ទះទាម១ខ្នងធ្វើពីឈើប្រក់ស័ង្កសី ទំហំ៦គុណ៨ម៉ែត្រ របើក ដំបូលប៉ុស្តិ៍ទួលព្រេជ និងដំបូលមណ្ឌលសុខភាពមួយចំនួន រលំដងទង់ជាតិ២ និងទ្រេតក្លោងទ្វារមណ្ឌលសុខភាព១,របើកក្បឿងនិងស័ង្កសីមួយចំនួន ដំបូលផ្ទះខ្ពស់និងផ្ទះទាមរបស់ប្រជាពលរដ្ឋ៨ខ្នង រលំដើមឈើ២០ដើម។
២.ឃុំសំរោងលើ បណ្តាលឲ្យ រលំរោងមាន់មួយខ្នង ទំហំ ១០គុណ៤០ម៉ែត្រ មានមាន់ចំនួន៣០០០ក្បាល ងាប់ប្រហែល៤០០ក្បាល។ របើកដំបូលផ្ទះមួយខ្នងទាំងស្រុង ទំហំ ៥គុណ៧ម៉ែត្រ ,របើកដំបូលផ្ទះ១ខ្នង ក្បឿងចំនួន៥០សន្លឹកនិងហ្វីប្រូស៊ីម៉ុង ២០សន្លឹក។
៣.ឃុំពើក បណ្តាលឲ្យ របើកដំបូលបន្ទប់ជួល៣បន្ទប់ស្មើ២០សន្លឹក៕