បាត់ដំបង: កាលពីវេលាម៉ោង១និង៣៥នាទីរសៀល ថ្ងៃទី២៧ ខែធ្នូ ឆ្នាំ២០១៨ មានករណីក្មេងស្រីម្នាក់ លង់ទឹកស្លាប់ នៅចំណុចស្រះទឹកសាលាអនុវិទ្យាល័យមោងឬស្សី ពីខាងលិចសាលាចម្ងាយប្រហែល៤០០ម៉ែត្រ ស្ថិតនៅក្រុមទី១៦ ភូមិកន្សៃបន្ទាយ ឃុំមោង ស្រុកមោងឫស្សី ខេត្តបាត់ដំបង។
ដោយមុនពេលកើតហេតុ ក្មេងរងគ្រោះឈ្មោះ អាន និមល ភេទស្រី អាយុ១៣ឆ្នាំ រស់នៅភូមិឬស្សី២ ឃុំមោង ស្រុកមោងឬស្សី បាននាំគ្នាជិះម៉ូតូជាមួយមិត្តភក្តិ មានឈ្មោះ ជា វិច្ឆិកា ភេទស្រី អាយុ១៥ឆ្នាំ រស់នៅភូមិរ៉ា ឃុំមោង ,ឈ្មោះ ជា ចរិយា ភេទស្រី អាយុ១៣ឆ្នាំ រស់នៅភូមិរ៉ា ឃុំមោង និងឈ្មោះ ជឿម ស្រីពៅ ភេទស្រី អាយុ១៥ឆ្នាំ រស់នៅភូមិពោធិ៍២ ឃុំគារ ទៅលេងទឹកនៅចំណុចកើតហេតុខាង នៅពេលលេងនោះក្មេងស្រីរងគ្រោះ បានរអិលជើងធ្លាក់ក្នុងស្រះបណ្តាលឲ្យលង់ទឹកស្លាប់តែម្តង។
ចំណែកសាកសពក្មេងស្រីរងគ្រោះបានប្រគល់ឲ្យសាច់ញាតិយកទៅធ្វើបុណ្យតាមប្រពៃណី៕
មតិយោបល់