បាត់ដំបង: ភ្នាក់ងារPost News បានរាយការណ៍មកថា មានភ្លៀងមួយកូនមេលាយឡំនិងខ្យល់កន្ត្រាក់និងរន្ទះបាញ់ បណ្តាលឲ្យបុរសម្នាក់ស្លាប់។

ហេតុការណ៍នេះបានកើតឡើងកាលពីវេលាម៉ោង៤និង៣០ដល់ម៉ោង៥និង៣០នាទីល្ងាច ថ្ងៃទី២ ខែឧសភា ឆ្នាំ២០១៧ នៅភូមិព្រៃអំពាន់ ឃុំស្តុកប្រវ៉ឹក ស្រុករុក្ខគិរី ខេត្តបាត់ដំបង។

សមត្ថកិច្ចបានឲ្យដឹងថា ជនរងគ្រោះឈ្មោះ ស៊ង សត់ ភេទប្រុស អាយុ២៤ឆ្នាំ នៅភូមិឃុំកើតហេតុខាងលើ។ សាកសពត្រូវបានគេកប់ដី ក្រែងបានដឹងខ្លួនវិញ។

ក្រោយពីកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើកំណត់ហេតុ និងប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕