ភ្នំពេញៈ ជនសង្ស័យម្នាក់ ត្រូវសមត្ថកិច្ចខណ្ឌឫស្សីកែវ ធ្វើការឃាត់ខ្លួន ព្រមទាំងដកហូតថ្នាំញៀន ៥កញ្ចប់ កាលពីវេលាម៉ោង ៦និង៣០នាទីយប់ ថ្ងៃទី៥ ខែឧសភា ឆ្នាំ២០១៧ ស្ថិតនៅចំណុចផ្ទះបែបណ្តែតទឹក ក្រុម៥ ភូមិលូ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។

សមត្ថកិច្ចបានឲ្យដឹងថា ជនសង្ស័យមានឈ្មោះ ជិន រ៉ូ ភេទប្រុស អាយុ២៩ឆ្នាំ មុខរបរលក់ដូរ (រក្សាទុក) មានទីលំនៅក្រុម២ ភូមិស្វាយប៉ាក សង្កាត់ស្វាយប៉ាក។

សមត្ថកិច្ចបានបន្តទៀតថា ប្រតិបត្តិការនេះ គឺសមត្ថកិច្ចយើងបានសហការជាមួយប៉ុស្តិ៍ស្វាយប៉ាក ធ្វើការស្រាវជ្រាវរហូតឈានដល់ការបើកប្រតិបត្តិការចុះបង្ក្រាបទីតាំងផ្ទះបែ បណ្តែតទឹកខាងលើ ដោយឃាត់ខ្លួនជនសង្ស័យម្នាក់ ព្រមទាំងដកហូតម្សៅក្រាមពណ៌សថ្លា ចំនួន ៥កញ្ចប់ ដាវកែច្នៃចំនួន ២ដើម និងឧបករណ៍ប្រើប្រាស់មួយចំនួន។

បច្ចុប្បន្នជនសង្ស័យខាងលើ រួមនិងវត្ថុតាង ត្រូវសមត្ថកិច្ចបញ្ជូនខ្លួនទៅឃុំជាបណ្តោអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿងចាត់ការតាមផ្លូវច្បាប់៕