ព្រះសីហនុៈ កាលពីវេលម៉ោង ០៤ និង៥០ នាទីថ្ងៃទី០៦ ខែឧសភា​នេះ កម្លាំងជំនាញ បានឃាត់ខ្លួនជនជាតិចិនចំនួន០២នាក់ ពីបទបើកល្បែងខុសច្បាប់ តាមប្រព័ន្ធអ៊ិនធើណេត នៅសណ្ឋាគារអូស៊ានផាក ស្ថិតក្នុងក្រុមទី៨ ភូមិ១ សង្កាត់៣ ក្រុង-ខេត្តព្រះសីហនុ។

ជនសង្ស័យទី១ ឈ្មោះ CHEN​ JIAZHOU​ ភេទប្រុស ជនជាតិចិន អាយុ ២២ឆ្នាំ​ កាន់លិខិតឆ្លង ដែនលេខ E 69940599​ មានសុពលភាព 01.03.2026 ទិដ្ឋាកាលេខ EI 010​ 63839​ មានសុពលភាព 06.12.2017​ ស្នាក់នៅសណ្ឋាគារខាងលើ មុខរបរបុគ្គលិកអនឡាញ ​និងទី២ ឈ្មោះ WU CANRUI​ ភេទប្រុស អាយុ ២៨ឆ្នាំ ជនជាតិចិន កាន់លិខិតឆ្លងដែន លេខ E 94769952​ មានសុពលភាព 08.02.2027​ ទិដ្ឋាកាលេខ EI 01058148​ មានសុពលភាព 09.04.2018​ ស្នាក់នៅសណ្ឋាគារខាងលើ មុខរបរបុគ្គលិកអនឡាញ ​។
​​
បច្ចុប្បន្នជនសង្ស័យទាំងពីរ ត្រូវបានកម្លាំងជំនាញកសាងសំណុំរឿង តាមនីតិវិធី បញ្ជូនទៅសាលាដំបូងខេត្ត​ ចាត់ការតាមផ្លូវច្បាប់ ៕