ភ្នំពេញ: កម្លាំងនគរបាលខណ្ឌពោធិ៍សែនជ័យ បានធ្វើការឃាត់ខ្លួនជនសង្ស័យម្នាក់ តាមដីកាបង្គាប់របស់តុលាការ ពីបទ លួចមានស្ថានទម្ងន់ទោស ដោយសារប្រព្រឹត្តិអំពើហិង្សា (ប្រើដំបងឈើជ្រុង និងដុំថ្មវាយតប់ទៅលើជនរងគ្រោះ)។
ការឃាត់ខ្លួននេះបានធ្វើឡើងកាលពីវេលាម៉ោង ២រសៀល ថ្ងៃទី៧ ខែឧសភា ឆ្នាំ២០១៧ ស្ថិតនៅចំណុចភូមិសំរោង សង្កាត់សំតោងក្រោម ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យដែលឃាត់ខ្លួនបានមានឈ្មោះ ពយ ពិសី អាយុ១៨ឆ្នាំ មុខរបរជាងផ្សារដែក ស្នាក់នៅចំណុចឃាត់ខ្លួនខាងលើ ហើយត្រូវបានសមត្ថកិច្ចខណ្ឌពោធិ៍សែនជ័យធ្វើការឃាត់ខ្លួន តាមដីកាបង្គាប់ឲ្យចាប់ខ្លួន លេខ៦១៨ ជ.ដ.ច.ន ចុះថ្ងៃទី ១២ កញ្ញា ២០១៦ ចេញដោយលោក ម៉ុង មុនីសោភា ចៅក្រមស៊ើបសួរសាលាដំបូងរាជធានីភ្នំពេញ ពីបទលួចមានស្ថានទម្ងន់ទោសដោយសារប្រព្រឹត្តិអំពើហិង្សា (ប្រើដំបងឈើជ្រុង និងដុំថ្មវាយតប់ទៅលើជនរងគ្រោះ) នៅចំណុចផ្លូវលំ ភូមិព្នៅ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ កាលពីថ្ងៃទី១៣ កកដ្តា ២០១៦កន្លងទៅ។
បច្ចុប្បន្នជនសង្ស័យខាងលើ ត្រូវបានសមត្ថកិច្ចធ្វើការសាកសួរ និងកសាងសំណុំរឿងបញ្ជូនខ្លួនទៅកាន់ តុលាការផ្តន្ទាទោសតាមផ្លូវច្បាប់៕
មតិយោបល់