ភ្នំពេញ: ថ្ងៃទី១២ ខែឧសភា ឆ្នាំ២០១៧ នេះ នាយកដ្ឋានស៊ើបអង្កេតនិងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ បានធ្វើការបញ្ជូន ជនជាតិនីហ្សេរីយ៉ាចំនួន៩នាក់ប្រុស ទៅសាលាដំបូងរាជធានីភ្នំពេញ ដើម្បីអនុវត្តទោស ដែលពួកគាត់បានលួចឆ្លងដែនចូលព្រះរាជាណាចក្រកម្ពុជាដោយខុសច្បាប់ (គ្មានលិខិតឆ្លងដែនចំនួន៤នាក់ និងប្រើប្រាស់លិខិតឆ្លងដែនមិនមានប្រថាប់ត្រាចូលប្រទេសកម្ពុជាចំនួន៥នាក់) ។

គួររំលឹកផងដែរថា ជនជាតិនីហ្សេរីយ៉ាខាងលើនេះត្រូវបាននាយកដ្ឋានស៊ើបអង្កេតនិងអនុវត្តន៏និតិវិធី ដែលដឹកនាំដោយលោកឧត្តមសេនីយ៍ទោអ៊ុក ហៃសិឡា ឃាត់ខ្លួនបានកាលពីថ្ងៃទី៣ ខែឧសភា ឆ្នាំ២០១៧ នៅចំណុចបុរីពិភពថ្មី ត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជនីភ្នំពេញ និងក៏សាងសំណុំរឿងបញ្ជូនទៅសាលាដំបូងរាជនីភ្នំពេញ នៅថ្ងៃនេះផងដែរ ដើម្បីឲ្យតុលាការចាត់ការតាមនិតិវិធីច្បាប់របស់ ព្រះរាជាណាចក្រកម្ពុជា៕