ភ្នំពេញ ៖ នារីម្នាក់ជាបុគ្គលិកនៅក្នុងហាង ប្រហិតត្រី និង ងៀតគោពិសេសម្នាក់ររៀនបើករថយន្តនៅក្នុងបរិវេណហាងជ្រុលជាន់ហ្គាររថយន្តបោលទំលុះជញ្ជាំងហាងនិងជ្រុលទៅបុករះបង្កាន់កាន់ដៃលូទឹកស្អុយសំយ៉ុងក្បាលរថយន្តចូលប្រឡាយទឹកស្អុយ កាលពីវេលាម៉ោង ១១ និង៥៥នាទី យប់ ថ្ងៃទី០៣ ខែកក្កដា ឆ្នាំ២០១៤ នៅតាមបណ្តោយផ្លូវលេខ ១០៥ ស្ថិតក្នុងសង្កាត់បឹងកេងបង៣ ខណ្ឌចំការមន ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញនារីម្នាក់ជាបុគ្គលិកបម្រើការក្នុងហាងប្រហិតត្រី និងងៀតគោ ពិសេសបានរៀនបើកបររថយន្តជាមួយបុរសម្នាក់ ដែលបាន បើករថយន្តមួយគ្រឿង ម៉ាកកូរ៉ូឡា ពណ៌ខៀវមួយគ្រឿងនៅពេលបើកបររថយន្តនោះ អ្នកបានជ្រុលជាន់ហ្គាច្រលំហ្វ្រាំង ហើយក៏ធ្វើឲ្យរថយន្តស្ទុះទៅបុកទំលុះជញ្ជាំងហាង និងជ្រុលទៅបុកបង្កាន់ដៃលូទាំងស្អុយបាក់អស់ជាង១០ម៉ែត្រហើយរថយន្តក៏បានដាំក្បាលចុះផឹកទឹកស្អុយតែម្តង ប៉ុន្តែសំណាងល្អអ្នកបើកបរទាំងពីរនាក់មិនមានគ្រោះថ្នាក់ ។
ក្រោយពេលកើតហេតុរថយន្តខាងលើនេះត្រូវបានសមត្ថកិច្ចចរាចរណ៏ ស្តូចយកទៅរក្សាទុកនៅការិយាល័យចរាចរផ្លូវគោកនៃស្នងការដ្ឋាននគរបាលជើងគោក រងចាំធ្វើការដោះស្រាយតាមផ្លូវច្បាប់៕
ទស្សនាឃ្លិបដូចខាងក្រោមនេះ៖
មតិយោបល់