ភ្នំពេញ: កម្លាំងនគរបាលផ្នែកប្រឆាំងគ្រឿងញៀន សហការជាមួយប៉ុស្តិ៍បឹងកក់ទី២ បើកប្រតិបត្តិការបង្ក្រាបករណី ជួញដូរដោយខុសច្បាប់ឃាត់ខ្លួនបានក្មេងប្រុសអាយុ១៣ឆ្នាំម្នាក់ ដកហូតបានថ្នាំញៀន១០១កញ្ចប់។

ការឃាត់ខ្លួននេះបានធ្វើឡើងកាលពីយប់ ថ្ងៃទី១២ ខែឧសភា ឆ្នាំ២០១៧ ស្ថិតនៅចំណុចប្លុករោងចក្រឆ្នាំង ក្រុមទី១០៨ ភូមិ២៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។

បើតាមការសួរចម្លើយ ពីសមត្ថកិច្ចប៉ុស្តីបឹងកក់ទី២ បានឲ្យដឹងថា ជនសង្ស័យមានឈ្មោះ ស៊ុ ផានិត ភេទប្រុស អាយុ១៣ឆ្នាំ ស្នាក់នៅតាមបណ្តោយផ្លូវរទេះភ្លើងសង្កាត់បឹកកក់ទី១ ខណ្ឌទួលគោក ហើយខ្លួនបានជួញដូរនឹងប្រព្រឹត្តយូរមកហើយ តែទើបតែពេលនេះត្រូវបានកម្លាំងនគរបាលផ្នែកប្រឆាំងគ្រឿងញៀនសហការជាមួយប៉ុស្តិ៍បឹងកក់ធ្វើការចុះបង្ក្រាបនៅចំណុចប្លុក រោងចក្រឆ្នាំងក្រុមទី១០៨ ភូមិ២៣ សង្កាត់បឹងកក់ទី២ ខណ្ឌទួលគោក បានសម្រេច រួមទាំងវត្ថុតាងមួយចំនួនរួមមានក្រាមពណ៌សថ្លាចំនួន១១០កញ្ចប់តូចដែលសង្ស័យជាគ្រឿងញៀន បែបនេះតែម្តង។

បច្ចុប្បន្នជនសង្ស័យកំពុងឃាត់ខ្លួនជាបណ្ដោះ អាសន្ននៅអធិការដ្ឋាន នគរបាលខណ្ឌទួលគោក ដើម្បីសាកសួរ កសាងសំណុំរឿង និងបញ្ជូនជនសង្ស័យទៅសាលាដំបូង រាជធានីភ្នំពេញ ចាត់ការតាមផ្លូវច្បាប់៕