ភ្នំពេញ: រថយន្តម៉ាកហ៊ីយ៉ាន់នដាយដឹកទឹក១គ្រឿង បានប៉ះគ្នាជាមួយនិងម៉ូតូហុងដាឌ្រីមសង់សេ១២៥ បណ្តាលឲ្យរងការខូចខាត អ្នកបើកម៉ូតូរងរបួសកែងជើងខាងឆ្វេង។

ហេតុការណ៍គ្រោះថ្នាក់ចរាចរខាងលើនេះបានកើតឡើងកាលពីវេលាម៉ោង៥និង១៥នាទី ល្ងាចថ្ងៃទី១៥ ខែឧសភា ឆ្នាំ២០១៧ ស្ថិតតាមបណ្តោយផ្លូវសហព័ន្ធរុស្ស៊ីទល់មុខព្រលានយន្តហោះអន្តរជាតិភ្នំពេញ ក្នុងសង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។
រថយន្តម៉ាកហ៊ីយ៉ាន់ដាយនោះក្បាលពណ៌ស តួពណ៌ខៀវ ពាក់ស្លាកលេខ ភ្នំពេញ3C- 4843 ចំណែកម៉ូតូម៉ាក ហុងដាឌ្រីមសេ១២៥ ស៊េរីឆ្នាំ២០១៦ ពណ៌ខ្មៅ ពាក់ស្លាកលេខ ភ្នំពេញ1FR-3966។

ប្រភពព័ត៌មានពីអ្នកបើករថយន្តខាងលើបានឲ្យដឹងថា មុនពេលកើតហេតុ ម៉ូតូខាងលើបានបើកស្របទិសគ្នាទិសដៅពីកើតទៅលិចដោយម៉ូតូបើកខាងមុខរថយន្តខាងស្តាំដៃ ហើយបានទាក់ដៃចង្កូតជាមួយម៉ូតូផ្សេងទៀត ហើយបានដួលប៉ះរថយន្តរបស់គាត់។ ចំណែកអ្នកជិះម៉ូតូវិញនិយាយថា មុនពេលកើតហេតុ ខ្លួនបានជិះម៉ូតូពីក្រោយដោយ នៅខាងស្តាំរថយន្តខាងលើ ស្រាប់តែមកដល់ចំណុចកើតហេតុ រថយន្តបានងាកស្តាំទើបធ្វើឲ្យប៉ះដៃចង្កូតម៉ូតូដួលរងការខូចខាតនិងរបួសកែងជើងខាងឆ្វេងតែម្ត។

ក្រោយពីភាគីទាំងសងខាងជជែកគ្នាមិនត្រូវទើបសមត្ថកិច្ចចុះមកវាស់វែងយករថយន្តនិងម៉ូតូទៅរក្សាទុកនៅផ្នែកចរាចរណ៍ខណ្ឌពោធិ៍សែនជ័យដើម្បីដោះស្រាយតាមនីតិវិធីនូវពេលក្រោយ៕