កណ្តាល: ជនសង្ស័យម្នាក់ ត្រូវបានសមត្ថកិច្ច ពាក់ពន្ធ័នឹងករណី រួមរក្សជាមួយអនីតិជនអាយុក្រោម១៥ឆ្នាំ។
ហេតុការណ៍នេះបានកើតឡើងកាលពីវេលាម៉ោង១០និង៣០នាទី យប់ ថ្ងៃទី១៥ ខែឧសភា ឆ្នាំ២០១៧ នៅចំណុចភូមិព្រែកដូង ឃុំកំពង់ស្វាយ ស្រុកកៀនស្វាយ ខេត្តកណ្តាល ។

ជនសង្ស័យឈ្មោះ រិន ផានិត ភេទប្រុស អាយុ១៧ឆ្នាំ មុខរបរកសិករ មានទីលំនៅភូមិព្រែកស្វាយ ឃុំឈើទាល ស្រុកកៀនស្វាយ ខេត្តកណ្តាល។ ចំណែកជនរងគ្រោះឈ្មោះ អ.ស.ភ ភេទស្រី អាយុ១២ឆ្នាំ មុខរបរសិស្ស មានទីលំនៅភូមិព្រែកស្វាយ ឃុំឈើទាល ស្រុកកៀនស្វាយ ខេត្តកណ្តាល ។

ប្រភពដដែលបន្តថា មុនពេលកើតហេតុ កន្លងមកជនរងគ្រោះនិងជនសង្ស័យមានទំនាក់ទំនងជាគូរសង្សារនឹងគ្នា លុះដល់ថ្ងៃខែឆ្នាំវេលាម៉ោងកើតហេតុខាងលើ ជនសង្ស័យបានជិះម៉ូតូ១គ្រឿងម៉ាកគុបជ្រុង ពណ៌ទឹកប្រាក់ មិនចាំស្លាកលេខ ចេញពីផ្ទះមកកន្លែងរោងការមួយកន្លែងនៅភូមិព្រែកដូង ឃុំកំពង់ស្វាយ ស្រុកកៀនស្វាយ ខេត្តកណ្តាល ដើម្បីមកមើលគេរាំលេង ពេលនោះជនរងគ្រោះដែលនៅស៊ីឈ្នួលលាងចានឲ្យគេនៅក្នុងរង្វង់ពីធីការនោះ បានហៅទូរសព្ទឲ្យជនសង្ស័យ មកយកសាច់ក្លែមនៅក្បែររោងការ រួចហើយជនសង្ស័យក៏ឃាត់ជនរងគ្រោះឲ្យនៅនិយាយគ្នាលេងសិនកុំអាលទៅវិញអី ។ ក្រោយមកជនសង្ស័យឃើញឱកាសស្ងាត់ល្អ ក៏បានអោបថើបជនរងគ្រោះ ធ្វើឲ្យជនរងគ្រោះមានចំណង់ផ្លូវភេទ ហើយក៏ព្រមព្រៀងរួមរក្សបានសម្រេចម្តង។

ក្រោយពីរួមរក្សហើយស្រាប់តែមានឈ្មោះ ណីត ភេទប្រុស អាយុ១៩ឆ្នាំ និងឈ្មោះ លី ភេទប្រុស អាយុ២១ឆ្នាំ បានមកឃើញពេលនោះ ជនរងគ្រោះភ័យបានរត់មកជួបម្តាយនៅរោងការ បន្ទាប់មកម្តាយជនរងគ្រោះបានមកដាក់ពាក្យបណ្តឹងប៉ុស្តិ៍ឈើទាល បន្ទាប់មកកម្លាំងប៉ុស្តិ៍ឈើទាល បានចុះទៅឃាត់ខ្លួនជនសង្ស័យមកប៉ុស្តិ៍ ដោយទីតាំងកើតហេតុស្ថិតនៅក្នុងឃុំកំពង់ស្វាយ កម្លាំងប៉ុស្តិ៍ឈើទាលបានបញ្ជូនករណីនេះ ទៅឲ្យប៉ុស្តិ៍នគរបាលរដ្ឋបាលកំពង់ស្វាយ រួចក៏បានបញ្ជូនមកអធិការដ្ឋាននគរបាលស្រុក ដើម្បីបន្តចាត់ការតាមនីតិវិធី៕