ភ្នំពេញ: រថយន្តកុងតឺន័រ១គ្រឿងទំនងជាស្រែកទឹកខ្លាំង បោលធ្លាក់ចូលស្នាមភ្លោះ ខណ:ដែលអ្នកបើកបរក្នុងល្បឿនយ៉ាងលឿននៅពេលមេឃកំពុងតែមានភ្លៀងធ្លាក់ផងនោះ ជាន់ហ្វ្រាំងមិនស៊ីក៏បួងចង្កូតធ្លាក់ចូលទៅតែម្តង សំណាងល្អមិនក្រឡាប់ឬបណ្តាលឲ្យមនុស្សណាម្នាក់រងគ្រោះថ្នាក់ឡើយ។

ហេតុការណ៍នេះដែរបានកើតឡើងកាលពីវេលាម៉ោង ៣ និង១៥នាទីរសៀល ថ្ងៃទី ១៦ ខែ ឧសភា ឆ្នាំ ២០១៧ នៅចំណុចមុខដីឡូតិ៍គ្មានលេខមួយកន្លែង ដែលស្ថិតនៅចំណុចគីឡូលេខ ១១ ផ្លូវរោងចក្រស្រាបៀរថៃហ្គ័រ ភូមិបោះអង្កាញ់ ក្នុងសង្កាត់ព្រែកឯង ខណ្ឌច្បារអំពៅ រាជធានីភ្នំពេញ។

តាមប្រភពព័ត៌មានពីបុរសជាព្រូម្នាក់បានប្រាប់ឲ្យដឹងថា មុនពេលកើតហេតុ រូបគេនិងបុរសជាអ្នកបើកបររថយន្តកុងតឺន័រ ពណ៌លឿង ពាក់ស្លាកលេខ ភ្នំពេញ3B-9045 ចេញពីភ្នំពេញវាងតាមស្ពានព្រែកសំរោង មកក្នុងទិសដៅពីត្បូងទៅជើងបំណងទៅតាមផ្លូវជាតិលេខ១ ដើម្បីទៅកាន់ក្រុងបាវិត។ ពេលដែលកំពុងតែបើកក្នុងល្បឿនលឿនគួរសម និងមេឃកំពុងមានភ្លៀងធ្លាក់នោះ លុះមលដល់ចំណុចខាងលើ ក៏ស្រាប់តែអ្នកបើកបរជាន់ហ្រ្វាំងមិនស៊ី ដោយខ្លាចបង្កការគ្រោះថ្នាក់ដល់អ្នកដ៏ទៃនោះ ក៏បួងចង្កូតទៅខាងឆ្វេងដៃ និងធ្លាក់ចូលទៅក្នុងស្នាមភ្លោះតែម្តង។

ក្នុងករណីរថយន្តកុងតឺន័របើកធ្លាក់ផ្លូវនេះដែរ បានបង្កឲ្យរថយន្តក្រឡាប់ឡើយដោយគ្រាន់តែរងការខូចខាតត្រង់ក្បាលយ៉ាងដំណំ និងមិនបណ្តាលឲ្យមានមនុស្សណាម្នាក់រងគ្រោះថ្នាក់ឡើយ ហើយកម្លាំងមានសម្ថកិច្ចក៏អនុញ្ញាតិឲ្យហៅររថយន្តមកស្ទូចយកទៅវវិញផងដែរ៕