ព័ត៌មានជាតិ

ខំតែភ័យ! ពេលឆែកមើលឃើញអញ្ចឹងសោះ….

ភ្នំពេញ: ប្រជាពលរដ្ឋបានប្រទះឃើញវ៉ាលីសធំមួយ ដែលមានបុរសជនជាតិស្បែកខ្មៅម្នាក់ បើករថយន្តទំនើប១គ្រឿងយកទៅប្លុងចោល នៅក្បែរជណ្ដើរអាគារកំពុងសាងសង់មួយកន្លែង រួចក៏បានបើករថយន្តចាកចេញទៅបាត់ ដែលបានធ្វើឲ្យគេមានការមន្ទិលសង្ស័យថា នៅក្នុងកាបូបនោះមានបញ្ហាមិនស្រួល អាចមានការបង្កៃគ្រាប់បែកឬគ្រឿងផ្ទុះនៅក្នុងនោះ។ទើបពេលនោះបានរាយការណ៍ជូនកម្លាំងនគរបាល ប៉ុស្ដិ៍ចោមចៅឲ្យចុះទៅពិនិត្យមើលភ្លាមៗ ប៉ុន្តែក្រោយពេលដែលនគរបាលធ្វើការឆែកឆេរមើល ក្នុងស្ថានភាពប្រុងប្រយ័ត្នខ្ពស់ទៀតនោះ ជាលទ្ធផលធ្វើឲ្យមានការហួសចិត្តគ្រប់ៗគ្នា ព្រោះនៅក្នុងវ៉ាលីស នោះគ្មានអ្វីគួរឲ្យខ្លាចឡើយ។

ហេតុការណ៍ភ្ញាក់ផ្អើលនោះបានកើតឡើង កាលពីវេលាម៉ោង៤និង៥ នាទីល្ងាច ថ្ងៃទី១៧ ខែឧសភា ឆ្នាំ២០១៧ នៅជាន់ទី១ អាគារសាងសង់ ស្ថិតនៅក្នុងផ្សារត្រពាំងថ្លឹង ស្ថិតនៅក្នុងភូមិ ត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មានបានឲ្យដឹងថា នៅវេលាម៉ោងប្រហែល១រសៀលថ្ងៃទី១៧ ខែឧសភា ដដែលនោះមាន បុរសជនជាតិស្បែកខ្មៅម្នាក់ ជិះរថយន្តម៉ាកTUNTRA ១គ្រឿងដឹកវ៉ាលីសនោះយកឡើងទៅលើអាគារ ជាន់ទី១រួចបានទុកនៅក្បែរជណ្ដើរកន្លែងកើតហេតុនោះ និងបានក្រឡេកមើលឆ្វេងមើលស្ដាំគួរឲ្យសង្ស័យ។ លុះទុករួចបានចុះក្រោមវិញនិងបានបើករថយន្ត ចាកចេញពីកន្លែងកើតហេតុទៅបាត់ស្រមោលតែម្ដង ខណ:នោះ ដោយខ្លាចនៅក្នុងវ៉ាលីសខាងលើវិញ មានបញ្ហាមិនស្រួល ទើបរាយការជូននគរបាលឲ្យ ទៅធ្វើការឆែកឆេរមើល ហើយគ្មានគ្រឿងផ្ទុះឬគ្រាប់បែកនោះទេ គឺនៅក្នុងនោះមានតែខោអាវមួយចំនួន និងកុំព្យូទ័រ១គ្រឿងតែប៉ុណ្ណោះ៕

មតិយោបល់