ភ្នំពេញ: ជនសង្ស័យម្នាក់ក្នុងចំណោមបក្ខពួកមានគ្នា ៦នាក់ទៀត ត្រូវបានបងប្អូនប្រជាពលរដ្ឋ ចាប់ក្របួចបាន រួមជាមួយម៉ូតូវ៉េវ មួយគ្រឿង ហើយនាំគ្នាស្វាគមន៍ ដោយកណ្តាប់ដៃ រួចប្រគល់ឲ្យសមត្ថកិច្ច កាលពីវេលាម៉ោង៧និង៣០នាទី ព្រឹកថ្ងៃទី១៩ ខែឧសភា ឆ្នាំ២០១៦ នៅតាមផ្លូវបេតុង មុខរោងចក្រ កុមារា ភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ ហើយឈានទៅដល់ តាមចាប់ខ្លួនបក្សពួក៤នាក់ បានជាបន្តបន្ទាប់ និងរត់រួចម្នាក់ ខណៈដែល កំពុងសង្ងំលាក់ខ្លួនក្នុងផ្ទះសំណាក់៣ដុល្លារ ភូមិត្រពាំងថ្លឹង សង្កាង់ចោមចៅ។

តាមប្រភពពីសមត្ថកិច្ច បានឲ្យដឹងថា ជនសង្ស័យ និងបក្ខពួក នាំគ្នាធ្វើសកម្មភាព គាស់បន្ទប់ យកម៉ូតូបានសម្រេចចំនួន២គ្រឿង នៅភូមិជម្ពូវ័ន សង្កាត់ចោមចៅ កាលពីយប់ថ្ងៃទី១៨ ខែឧសភា ឆ្នាំ២០១៦ ហើយត្រូវបាន ម្ចាស់ម៉ូតូប្រទះឃើញជនសង្ស័យជិះនៅតាមផ្លូវ ភូមិទួលពង្រ នៅព្រឹកថ្ងៃទី១៩ ខែឧសភា ឃាត់ខ្លួនបានម្នាក់ ហើយពលរដ្ឋ និងម្ចាស់ម៉ូតូ ចាប់ប្រគល់ឲ្យសមត្ថកិច្ចខណ្ឌពោធិ៍សែនជ័យ នាំយកទៅសាកសួរទើប ឈានទៅដល់ការ តាមចាប់បក្ខពួក ដែលកំពុងសង្ងំលាក់ខ្លួន នៅក្នុងផ្ទះសំណាក់៣ដុល្លារ មុខផ្សារត្រពាំថ្លឹង ឃាត់ខ្លួនបាន ៤នាក់ ស្រី២នាក់ ចំណែកមេក្លោងម្នាក់ទៀត បានរត់គេចខ្លួនបាត់។

ម៉ូតូដែលជនសង្ស័យ ឆ្កឹះសោរ បន្ទប់លួច យកម៉ាកហុងដាវ៉េវ ពណ៌ខ្មៅ ពាក់ស្លាកលេខ កំពង់ធំ1H-6957 មានម្ចាស់ឈ្មោះ អេង គឹមស័រ ភេទប្រុស អាយុ២៨ឆ្នាំ មុខរបរបើកបរគ្រឿងចក្រ ស្នាក់នៅផ្ទះជួល ភូមិជម្ពូរវ័ន មានស្រុកកំណើតភូមិពោធិ៍ខាវ ឃុំត្បូងក្រពើ ស្រុកសន្ទុក ខេត្តកំពង់ធំ។ និងម៉ូតូមួយគ្រឿងទៀតម៉ាក ស៊ុយហ្ស៊ុយគីនិច ពណ៌ស ពាក់ស្លាកលេខ ភ្នំពេញ 1CU-0872 (តែជនល្មើស កាច់ស្លាកលេខចោលបាត់ហើយ ) មានម្ចាស់ឈ្មោះ ង៉ែត សាវុធ ភេទប្រុស អាយុ២៦ឆ្នាំ មុខរបរ បើកបររថយន្ត ស្នាក់នៅ ភូមិជម្ពូវ័ន មានស្រុកកំណើត ភូមិព្រៃរំដួលខាងលិច ឃុំបសេដ្ឋ ស្រុកបសេដ្ឋ ខេត្តកំពត់ស្ពឺ។

ចំណែកជនសង្ស័យ ដែលឃាត់ខ្លួនបាន ៥នាក់៖
-ទី១ ឈ្មោះ គង់ ពិសិដ្ឋ ភេទប្រុស អាយុ២៣ឆ្នាំ មុខរបរមិនពិតប្រាកដ ស្នាក់នៅផ្ទះជួល ភូមិត្រពាំងថ្លឹង សង្កាត់ចោមចៅ មានស្រុកកំណើត ភូមិល្អាង ឃុំល្អាង ស្រុកឈូក ខេត្តកំពត (ឃាត់ខ្លួនបានមុនគេ)
-ទី២ ឈ្មោះ ញឹម ប៊ុនធឿន ភេទប្រុស អាយុ២០ឆ្នាំ មុខរបរ កម្មកររោងចក្រ ស្នាក់នៅផ្ទះជួល ភូមិត្រពាំងថ្លឹង មានស្រុកកំណើត ភូមិវារាយ ឃុំបារាយ ស្រុកបារាយ ខេត្តកំពង់ធំ
– ទី៣ ឈ្មោះ វ៉ែន ចាន់ណាវីន ភេទស្រី អាយុ២៣ឆ្នាំ មុខរបរ កម្មកររោងចក្រ ស្នាក់នៅផ្ទះជួលជាមួយគ្នា មានស្រុកកំណើតភូមិកោះខ្យង ឃុំអូរជ្រៅ ស្រុកព្រៃនប់ ខេត្តព្រះស៊ីហនុ
-ទី៤ ឈ្មោះ កុច ស្រីយ័ន្ត ភេទស្រី អាយុ១៩ឆ្នាំ មុខរបរ មិនពិតប្រាកដ ស្នាក់នៅ ផ្ទះជួលជាមួយគ្នា មានស្រុកកំណើត ភូមិបន្លិច ឃុំពាមមានជ័យ ស្រុកពាមជរ៍ ខេត្តព្រៃវែង
-ទី៥ ឈ្មោះ មិន បូរី ភេទប្រុស អាយុ២២ឆ្នាំ មុខរបរ កម្មកររោងចក្រ ស្នាក់នៅបន្ទប់ជួលជាមួយគ្នា មានស្រុកកំណើត ភូមិត្រពាំងវាល ឃុំវាល ស្រុកគងពិសី ខេត្តកំពង់ស្ពឺ។ ដោយឡែក មេក្លោងម្នាក់ដែលរត់រួចគេចទៅបាត់ មិនត្រូវបានស្គាល់ឈ្មោះឡើយ។

តាមប្រភពបានឲ្យដឹងថា មុនកើតហេតុ ជនសង្ស័យ បាននាំគ្នាទៅធ្វើសកម្មភាព ឆ្កឹះសោរបន្ទប់ជួល នៅភូមិជម្ពូវ័ន សង្កាត់ចោមចៅ កាលពីយប់ថ្ងៃទី១៨ ខែឧសភា យកបានម៉ូតូចំនួន ២គ្រឿង ទៅបាត់ ហើយជនរងគ្រោះ ក៏បានទៅដាក់ពាក្យបណ្តឹង នៅប៉ុស្តិ៍នគរបាលហើយដែរ លុះដល់ព្រឹកថ្ងៃទី១៩នេះ ជនរងគ្រោះ នឹកស្តាយរបស់ទ្រព្យខ្លួនឯង ខំជិះដើរតាមស្វែងរក ចៃដន្យ ស្រាប់រែប្រទះឃើញ ម៉ូតូ របស់ខ្លួន ម៉ាកវ៉េវ ត្រូវបានជនសង្ស័យកំពុងជិះ នៅតាមផ្លូវក្នុងភូមិទួលពង្រ ហើយក៏ស្រែក ឲ្យពលរដ្ឋជួយ ចាប់បានភ្លាមៗប្រគល់ ឲ្យសមត្ថកិច្ចនាំសាកសួរទើប ឈានទៅដល់ចាប់ខ្លួនបក្ខពួកបាន៤នាក់ ស្រី២នាក់ កំពុងលាក់ខ្លួន ក្នុងផ្ទះសំណាក់៣ដុល្លារ ភូមិត្រពាំងថ្លឹង និងរកឃើញ ម៉ូតូម៉ាក និច ដែលលួចកាលពីយប់មិញ តែជនសង្ស័យកាច់ ស្លាកចោលបាត់ ចំណែក មេក្លោង ម្នាក់បានរត់រួចគេចទៅបាត់។

ជនសង្ស័យ ទាំង៥នាក់ បន្ទាប់ចាប់ឃាត់ខ្លួនបាន សមត្ថកិច្ចនាំ យកទៅកាន់ផ្នែកជំនាញអធិការដ្ឋាននគរបាល ខណ្ឌពោធិ៍សែនជ័យ ដើម្បីសាកសួរ និងកសាងសំណុំរឿងចាត់ការទៅតាមនីតិវិធី៕

https://youtu.be/NwGXsMAMLwg