ភ្នំពេញ: តាមសេចក្តីរាយការណ៍បានឲ្យដឹងថា ខណ:នេះមានករណីគ្រោះថ្នាក់ចរាចរណ៍ដ៏រន្ធត់មួយ បានកើតឡើង បន្ទាប់ពីមានរថយន្តកុងតឺន័រមួយគ្រឿង បើកបរក្នុងល្បឿនលឿនខណ:មេឃកំពុងធ្លាក់ភ្លៀងខ្លាំង បានជ្រុលចង្កូតបុកម៉ូតូសង់០១៣ ដែលកំពុងជិះឌុបគ្នា២នាក់ប្តីប្រពន្ធ បណ្តាលឲ្យប្តីត្រូវរថយន្តបុកស្លាប់ខ្ទេចខ្លួនយ៉ាងរន្ធត់ ដោយមានម្រាមដៃជាប់នឹងកាងរថយន្ត ចំណែកស្ត្រីជាប្រពន្ធរងរបួសធ្ងន់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។

ភ្លាមៗរថយន្តបង្ក បានបន្ថែមល្បឿនបើករត់គេចខ្លួនរហូតដល់ចំណុចថ្នល់ទទឹងទើប សមត្ថកិច្ចចរាចរណ៍ដែលប្រចាំការនៅចំណុចខាងលើ យករថយន្តកាក់ពីមុខ ទើបអាចឃាត់បាន។

ហេតុការណ៍នេះបានកើតឡើងកាលពីវេលាម៉ោង ៣រសៀល ថ្ងៃទី២០ ខែឧសភា ឆ្នាំ២០១៧ ស្ថិតនៅចំណុចមុខសាលាក្តីខ្មែរក្រហម តាមបណ្តោយផ្លូវជាតិលេខ៤ ក្នុងសង្កាត់កន្ទោក ខណ្ឌពោធិ៍សែនជ័យ។

ព័ត៌មានលម្អិត យើងនឹងផ្សាយជូនបន្តទៀត៕