ព្រះសីហនុ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា កាលពីវេលាម៉ោង ២ និង៣០នាទីរសៀលថ្ងៃទី២០ ខែឧសភា ឆ្នាំ២០១៧ មានករណីចោរលួចកាច់សោរកយកម៉ូតូមួយគ្រឿង នៅខាងក្រោយផ្សារលើ ក្រុងព្រះសីហនុ។

ជនសង្ស័យមានគ្នា បីនាក់ ក្រោយពីធ្វើសកម្មភាពរួច ក៏បានជិះរត់គេចខ្លួន ហើយភ្លាមៗនោះ ម្ចាស់បានដឹងទាន់ ដោយបានសហការជាមួយសមត្ថកិច្ច ក៏ដេញចាប់បានម្នាក់ ឈ្មោះ ហាន់ ឡេង ភេទប្រុស អាយុ២៣ឆ្នាំ មុខរបរធ្វើចម្ការ បច្ចុប្បន្នរស់នៅក្រុមទី១៣ ភូមិ៥ សង្កាត់លេខ៤ ក្រុង-ខេត្តព្រះសីហនុ។ រីឯបក្ខពួកពីរនាក់ទៀត ដែលបានរត់គេចខ្លួននោះ មានឈ្មោះ និល និងម្នាក់ទៀត មិនទាន់ស្គាល់ឈ្មោះនៅទ្បើយទេ។

វត្ថុតាងចាប់យកមានម៉ូតូ HONDA​ C​125 ពណ៌ខ្មៅ សេរីឆ្នាំ២០១១ ពាក់ស្លាកលេខ ព្រះសីហនុ1C-6613 មួយគ្រឿង ជាកម្មសិទ្ធិរបស់ជនរងគ្រោះឈ្មោះ ហង្ស សារាឌី ភេទប្រុស អាយុ១៩ ឆ្នាំ សិស្ស បច្ចុប្បន្នរស់នៅក្រុមទី១៤ ភូមិ១ សង្កាត់លេខ៤ ក្រុង-ខេត្តព្រះសីហនុ៕