ភ្នំពេញៈ បុរសវ័យ៣០ឆ្នាំម្នាក់ ត្រូវបានគេប្រទះឃើញស្លាប់នៅលើដី ដែលមានគេអះអាងថា គាត់បានធ្វើអត្តឃាតខ្លួនឯងដោយលោតពីលើអគារកំពស់៦ជាន់ នៃសាកលវិទ្យាល័យកម្ពុជា ដែលមានទីតាំងក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ កាលពីវេលាម៉ោងជាង១រសៀលថ្ងៃទី២២ ខែឧសភា ឆ្នាំ២០១៧ ។

យោតាមប្រភព័ត៌មានពីលោក ហង់ ម៉ៃ មុខរបរជាសន្តិសុខបំរើការងារនៅទីនោះបានរាយការណ៍បំភ្លឺប្រាប់ កម្លាំងសមត្ថកិច្ចមូលដ្ឋានថា មុនពេលកើតហេតុ គាត់បានឃើញបុរសនេះបានឡើងទៅលើអគារសាកលវិទ្យាល័យនៅជាន់ទី៦ ដោយវាយកញ្ចក់បង្អួចបែកបាក់ហើយឡើងទៅអង្គុយសំយ៉ុងជើងដោយឥតខ្លាចធ្លាក់។

គាត់បន្តថា នៅពេលនោះគាត់បានស្រែកហាមឃាត់គេកុំឲ្យធ្វើបែបនេះ ហើយណែនាំឲ្យចាកចេញពីទីនោះ តែគេមិនស្តាប់បន្តិចក្រោយមកក៏ស្រាប់តែលោតទម្លាក់ខ្លួនពីលើអគារនោះ បណ្តាលឲ្យស្លាប់ភ្លាមៗតែម្តង។
សព បុរសរងគ្រោះ រូបនេះត្រូវបានគេស្គាល់ឈ្មោះ គ្រុយ ចាន់ដារិទ្ឋ អាយុ
៣០ឆ្នាំ គ្មានមុខរបរ នៅផ្ទះមានទីលំនៅផ្ទះលេខ១២០Z ភូមិ៤ សង្កាត់ទឹកល្អក់២ ខណ្ឌទួលគោក រាជធានីភ្នំពេញ។

សមត្ថកិច្ច ជំនាញផ្នែកបច្ចេកទេសត្រួតពិនិត្យសាកសព បានសន្និដ្ឋានថា ករណីនេះ ជនរងគ្រោះពិតជាស្លាប់ដោយ ធ្លាក់ពីលើអគារ។
ប៉ុន្តែគេនៅតែមានការសង្ស័យ នៅឡើយដោយមិនទាន់ដឹងអំពីមូលហេតុពិត ព្រោះនៅសុខៗម៉េចបានជាលោតសម្លាប់ខ្លួនដូច្នេះមិនដឹងថាមានវិបត្តគ្រួសារឬមួយមានរឿងអ្វីផ្សេងនោះទេ។
ក្រោយពេលកើតហេតុសពត្រូវបានក្រុមគ្រួសារធ្វើបុណ្យតាមប្រពៃណីនៅវត្តទឹកថ្លា៕

https://youtu.be/uJQhQhtI-to