ភ្នំពេញៈ មុខសញ្ញាប្រើប្រាស់និងជួញដូរគ្រឿងញៀនចំនួន៤នាក់ ត្រូវបានកម្លាំងនគរបាលប៉ុស្ដិ៍ចោមចៅ ធ្វើការចាប់ខ្លួនបាន ខណៈដែលជនសង្ស័យទាំងនេះកំពុង សេពគ្រឿងញៀននៅក្នុងបន្ទប់ផ្ទះជួលមួយកន្លែង កាលពីវេលាម៉ោង១និង២០នាទីរសៀល ថ្ងៃទី២៦ ខែឧសភា ឆ្នាំ២០១៧ ស្ថិតនៅក្នុងភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

ជនសង្ស័យទាំង៤នាក់ទី១មានឈ្មោះ ព្រាប លក្ខណ៍ អាយុ៣២ឆ្នាំ ,ទី២ឈ្មោះ អឿន តុលា អាយុ២៦ឆ្នាំ, ទី៣ឈ្មោះ សុខ សុភាព អាយុ៣១ឆ្នាំ និងជនសង្ស័យទី៤ឈ្មោះ សុខ សុផេន អាយុ២៨ឆ្នាំ ។ពួកគេស្នាក់នៅបន្ទប់ផ្ទះជួលក្នុងភូមិកើតហេតុខាងលើ។

នគរបាលបានឲ្យដឹងថា នៅមុនពេលកើតហេតុ ប្រជាពលរដ្ឋបានរាយការណ៍ថាបានឃើញជនសង្ស័យទាំង៤នាក់នោះ កំពុងសេពគ្រឿងញៀន នៅក្នុងបន្ទប់ជួលខាងលើ។ ភ្លាមៗនោះ កម្លាំងក៏ចុះទៅធ្វើការបង្ក្រាបនិងចាប់ខ្លួនបានតែម្ដងនិង ដកហូតបានឧបករណ៍សម្រាប់ប្រើប្រាស់គ្រឿងញៀន និងម៉ូតូម៉ាកគុបជ្រុង ពណ៌ទឹកប្រាក់១គ្រឿងផងដែរ។

បច្ចុប្បន្នជនសង្ស័យទាំងនេះ ត្រូវបាននគរបាលបាននាំទៅកាន់ប៉ុស្ដិ៍ចោមចៅ ដើម្បីសាកសួរនិងកសាងសំណុំរឿងចាត់ការតាមផ្លូវច្បាប់បន្តទៀត៕

https://youtu.be/av0w_21B0f0