ព្រះសីហនុៈ មានករណីចោរលួចម៉ូតូកើតឡើងបង្កដោយជនមិនស្គាល់អត្តសញ្ញាណ នៅថ្ងៃទី២៨ ខែតុលា ឆ្នាំ២០១៦ វេលាម៉ោង៥ព្រឹក នៅក្នុងសណ្ឋាគាសុខាក្រុមទី១៣ ភូមិ៤ សង្កាត់លេខ៤ ក្រុងព្រះសីហនុ។ បាត់បង់ម៉ូតូម៉ាកហុងដា សេ១២៥ ស៊េរីឆ្នាំ០១៥ ពណ៌ខ្មៅ ។
ក្រោយពីទទួលបណ្តឹងនៅថ្ងៃទី២៧ ខែឧសភា ឆ្នាំ២០១៧ ម៉ោង៤ល្ងាច កម្លាំងជំនាញប៉ុស្តិ៍សង្កាត់លេខ៤ និងកម្លាំងអធិការដ្ឋាននគរបាលក្រុងធ្វើការស្រាវជ្រាវឃើញម៉ូតូនៅឈ្មោះ ផុន សភា ហៅតូម៉ា(ឃាត់ខ្លួន) ភេទប្រុស អាយុ២៣ឆ្នាំ មុខរបរបុគ្គលិកសុខា រស់នៅភូមិ៤ សង្កាត់លេខ៤ ខេត្តព្រះសីហនុ ពេលនោះកម្លាំងយើងបានសួរនាំថាបានទិញពីឈ្មោះ សៀង សុខជា (ឃាត់ខ្លួន) ។
ពេលហៅឈ្មោះ សៀង សុខជាសាកសួរឆ្លើតថាបានទិញពីឈ្មោះ សោម សុចាន់(រត់គេចខ្លួនទៅប្រទេសថៃ) ភេទប្រុស អាយុ៣១ឆ្នាំ មុខរបរមិនពិតប្រាកដ មានទីលំនៅភូមិទួលទទឹង ស្រុកព្រៃនប់ ។
វត្ថុតាងចាប់យកបានម៉ូតូហុងដា សេ១២៥ ស៊េរីឆ្នាំ០១៥ ពណ៌ខ្មៅ ជាម៉ូតូផលចោរកម្មខាងលើ៕
មតិយោបល់