កំពង់ស្ពឺៈ លោកអធិការស្រុកភ្នំស្រួច បានប្រាប់ Post News មានករណីគ្រោះថ្នាក់ចរាចរណ៍មួយកើតឡើង រថយន្តម៉ាក ហ៊ីយ៉ាន់ដាយ បុកជាមួយម៉ូតូ បណ្តាលឲ្យមនុស្ស២នាក់ស្លាប់នៅនឹងកន្លែង។

ហេតុការណ៍នេះកើតឡើងនៅវេលាម៉ោង៤រសៀល ថ្ងៃទី ២៨ ខែឧសភា ឆ្នាំ២០១៧ នៅលើផ្លូវជាតិលេខ៤ បង្គោលគីឡូម៉ែត្រ ៧៧-៧៨ ត្រង់ចំណុចភូមិ កុមារពេទ្យ ឃុំ អូរ ស្រុកភ្នំស្រួច ខេត្តកំពង់ស្ពឺ។

មុនពេលកើតហេតុ គេឃើញរថយន្តម៉ាក ហ៊ីយ៉ាន់ដាយ ពណ៌ស ពាក់ស្លាកលេខ ព្រះសីហនុ 3A-1102 បើកបរពីកើតទៅលិច ( បើកបរបញ្រ្ចាសទិសគ្នា) បុកជាមួយម៉ូតូហុងដា សេ១២៥ ពណ៌ខ្មៅ ពាក់ស្លាកលេខ ក្រចេះ1C-6119 ស៊េរី២០១៦ អ្នកបើកម៉ូតូឈ្មោះ ធូ សំណាង ភេទប្រុស អាយុ១៨ឆ្នាំ នៅភូមិទី៥ ឃុំត្រែងត្រយឹង(ស្លាប់) និងអ្នកជិះក្រោយឈ្មោះ ម៉ែ នារតី ភេទប្រុស អាយុ១៨ឆ្នាំ នៅភូមិទី៣ ឃុំត្រែងត្រយឹង (ស្លាប់) នៅនិងកន្លែងកើតហេតុ ចំណែកអ្នកបើករថយន្តរត់គេចបាត់ស្រមោល។

ករណីនេះសមត្ថកិច្ចកំពុង កសាងសំណុំរឿងតាមនីតិវិធីច្បាប់៕