ព្រះសីហនុៈ យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា កាលពីថ្ងៃទី២៨ ខែវិច្ឆិកា ឆ្នាំ២០១៨ កន្លងទៅនេះ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានបញ្ជាណែនាំឲ្យសមត្ថកិច្ចប្រឆាំងគ្រឿងញៀន ដឹកនាំដោយលោកវរសេនីយ៍ទោ សួស សីលា នាយការិយាល័យ នគរបាលប្រឆាំងគ្រឿងញៀន បានបើកយុទ្ធនាការ ដ៏ក្តៅគគុកមួយ ប្រើពេលអស់ពេញមួយយប់ បង្ក្រាបបទល្មើសគ្រឿងញៀនបានចំនួន៦ករណី ឃាត់ខ្លួនជនសង្ស័យ ជាជនជាតិចិនចំនួន៩នាក់ ចាប់យកថ្នាំញៀនជាច្រើនមុខចំនួន១២២កញ្ចប់ និងថ្នាំញៀនផ្សេងៗជាច្រើនទៀត។
ករណីទី១ ថ្ងៃទី ២៨ ខែវិច្ឆិកា ឆ្នាំ២០១៨ ម៉ោង១២និង៥០នាទីយប់ ស្ថិតនៅក្រុមទី ២ភូមិ២សង្កាត់លេខ ១ក្រុងព្រះសីហនុ បង្ក្រាបបទល្មើសគ្រឿងញៀនមួយករណី ឃាត់ខ្លូនជនសង្ស័យបាន១នាក់ឈ្មោះHUA.YUNJIAAN អាយុ៣៧ឆ្នាំ ជាជនជាតិចិន ភេទប្រុសមុខរបរធ្វើការអនឡាញ វត្ថុតាងដក់ហូតបានរួមមានម្សៅក្រោម ពណ៌សថ្លា សង្ស័យជាសារធាតុញៀនចំនួន ៤កញ្ចប់ទូរស័ព្ទ១គ្រឿង។
ករណីទី២ ថ្ងៃទី២៨ ខែវិច្ឆិកា ឆ្នាំ២០១៨ ម៉ោង១១និង៥៥នាទី ស្ថិតនៅក្រុមទី១១ភូមិ១ សង្កាត់លេខ២ បង្ក្រាបបទល្មើសគ្រឿងញៀន១ករណីទៀត ឃាត់ខ្លូនជនសង្ស័យ១នាក់ ឈ្មោះJin yoagnian ភេទប្រុសអាយុ២៧ឆ្នាំ ជនជាតិចិន មុខរបរមិនពិតប្រាកដ ចាប់យកបានម្សៅក្រោមពណ៌សថ្លាសង្ស័យជាសារធាតុញៀន១៤កញ្ចប់ ( ធំ១ តូច១៣កញ្ចប់) ទូរស័ព្ទ២គ្រឿង។
ករណីទី៣ ថ្ងៃទី២៨ ខែវិច្ឆិកាឆ្នាំ២០១៨ម៉ោង ១៣:០០នាទី ស្ថិតនៅក្រុមទី៤ភូមិ២ សង្កាត់លេខ២ នគរបាលប្រឆាំងគ្រឿងញៀន បង្ក្រាបបទល្មើសគ្រឿងញៀន១ករណីទៀត ឃាត់ខ្លូនបានជនសង្ស័យ១នាក់ ឈ្មោះDe Xu ភេទប្រុសអាយុ២៥ឆ្នាំជនជាតិចិន មុខរបរមិនពិតប្រាកដ ចាប់យកបានម្សៅក្រោមពណ៌សថ្លាសង្ស័យជាសារធាតុញៀន ចំនួន៩កញ្ចប់ធំ និងWY.ចំនួន៣គ្រាប់ ទូស័ព្ទ១គ្រឿង។
ករណីទី៤ ថ្ងៃទី២៨ ខែវិច្ឆិកា ឆ្នាំ២០១៨ ម៉ោង ២១និង៤០នាទី ស្ថិតនៅក្រុមទី៨ ភូមិ១ សង្កាត់លេខ៣ ក្រុង បង្ក្រាបបទល្មើស គ្រឿងញៀនមួយករណី ឃាត់ខ្លូនបានជនសង្ស័យ១នាក់ឈ្មោះFAN Chao ភេទប្រុស អាយុ២៧ឆ្នាំ ជនជាតិចិន ចាប់យកបាន ម្សៅក្រាមពណ៌សថ្លាសង្ស័យជាសារធាតុញៀនចំនួន ៩កញ្ចប់ធំ ទូស័ព្ទ១គ្រឿង។
ករណីទី៥ ថ្ងៃទី២៨ ខែ វិច្ឆិកា ឆ្នាំ២០១៨ ម៉ោង ២១:៤០នាទី ស្ថិតនៅភូមិ៤ សង្កាត់លេខ៤ បង្ក្រាបបទល្មើសគ្រឿងញៀនមួយករណី ឃាត់ខ្លួនជនសង្ស័យ ១នាក់ឈ្មោះZhou.yangភេទប្រុសអាយុ២៥ ឆ្នាំ ជនជាតិចិន មុខរបរមិនពិតប្រាកដ ចាប់យកបានម្សៅក្រាមពណ៌ស សង្ស័យជាសារធាតុញៀនចំនួន១៧.កញ្ចប់(K) ៨កញ្ចប់ (WY.២៦.គ្រាប់.(MDMA)៥គ្រាប់.កញ្ឆាមូរជាបារីហើយមានចំនួន៣ដើមទូស័ព្ទ១គ្រឿង។
ករណី៦ ថ្ងៃទី២៩ ខែវិច្ឆិកាឆ្នាំ២០១៨ ម៉ោង ៣:០០.នាទីរំលងអធ្រាត្រ ស្ថិតនៅក្រុមទី៩ភូមិ១សង្កាត់លេខ៣ បង្ក្រាបបទល្មើសគ្រឿងញៀន ២ករណីផ្សេងគ្នា តែជាក្រុមតែមួយ ដែលមានទីតាំងដូចខាងលើ ឃាត់ខ្លូនបានជនសង្ស័យចំនួន៥នាក់៖ទី១.ឈ្មោះ Hua Zai,ទី២.ឈ្មោះ Chee Kiangហើយក៏បន្ត ចូលឆែកឆេរផ្ទះជួលនៅ សង្កាត់លេខ២ ឃាត់ខ្លូនបានជនសង្ស័យ បន្ថែម៣នាក់ទៀត ទី១.ឈ្មោះ Melvin Foo,ទី២.ឈ្មោះ.Da ren,ទី៣.william Ricardo (អ្នកទាំង៥ ជាជនជាតិចិនម៉ាឡេស៊ី)។
ចាប់យកបាន ម្សៅក្រាមពណ៌សថ្លា សង្ស័យជាសារធាតុញៀនចំនួន៧៨កញ្ចប់ ថ្នាំសប្បាយចំនួន៦គ្រាប់ Wy៥គ្រាប់.កញ្ឆា១កញ្ចប់ធំ កញ្ចាប់កាហ្វេសង្ស័យជាសាធាញៀនចំនួន៨កញ្ចប់.ថ្នាំសប្បាយប្រភេទទឹក ចំនួន៣ដប ជញ្ជីងថ្លឹង១ និង ទូរស័ព្ទ៣គ្រឿង។
លោកស៊ុន សុផាត បានបញ្ជាក់ថា ក្នុងកិច្ចប្រតិបត្តិការនេះ មានការសម្របសម្រួលផ្នែកច្បាប់ ដោយមានការចូលរួមពីលោកហួត វិចិត្រព្រះរាជអាជ្ញារងអមសាលាដំបូងខេត្តព្រះសីហនុផងដែរ៕
មតិយោបល់