ព័ត៌មានជាតិ

គ្រឿងញៀនទៀតហើយ! ឃាត់ខ្លួនជនសង្ស័យ១៤នាក់ ពាក់ព័ន្ធករណីផ្ដល់ទីតាំងប្រើប្រាស់គ្រឿងញៀនខុសច្បាប់

កណ្តាល: សមត្ថកិច្ចឃាត់ខ្លួនបុរសម្នាក់និងបក្សពួក១៣នាក់ទៀត ទាក់ទងនឹងការផ្តល់ទីតាំងនិងប្រាស់សាធារធាតុញៀនខុសច្បាប់។

ហេតុការណ៍នេះបានកើតឡើងនៅវេលាម៉ោង២និង២នាទីយប់ នថ្ងៃទី៣០ ខែឧសភា ឆ្នាំ២០១៧ នៅចំណុចផ្ទះខារ៉ាអូខេឈ្មោះ ជួន គន្ធា ភូមិពោធិ៍រលំ ឃុំរកាកោង២ ស្រុកមុខកំពូល ខេត្តកណ្ដាល។

ក្រោមការត្រួតពិនិត្យ សមត្ថកិច្ចបានឃាត់ខ្លួនជនសង្ស័យម្នាក់ឈ្មោះ យ៉ុន ចន្ថា ភេទប្រុស អាយុ៤៧ឆ្នាំ នៅភូមិពោធិ៍រលំ ឃុំរកាកោង២ ស្រុកមុខកំពូល ខេត្តកណ្ដាល មុខរបរជាងផ្សាដែក ត្រូវជាប្តីម្ចាស់ខារ៉ាអូខេ ជួន គន្ធា។
សមត្ថកិច្ចបានរកឃើញវត្ថុតាងម៉្សៅក្រាមពណ៌សថ្លាសង្ស័យជាសារធាតុញៀន១៣កញ្ចប់ (តូច១១និងធំ២កញ្ចប់) សម្ភារ:សម្រាប់វេចខ្ចប់ និងប្រើប្រាស់គ្រឿងញៀនមួយចំនួនទៀត។

ប្រភពព័ត៌មានបានឲ្យដឹងថា កន្លងមកជនសង្ស័យនិងប្រពន្ធ ឈ្មោះ ជួន គន្ធា បានបើកខារ៉ាអូខេនៅផ្ទះរបស់ខ្លួនគ្មានបុគ្គលិកបម្រើការទេ ហើយជនសង្ស័យបានបិទបម្រាម ហាមប្រើប្រាស់និងជួញដូរគ្រឿងញៀននៅមាត់ទ្វារនិងក្នុងបន្ទប់ ដោយគិតថ្លៃច្រៀងមួយម៉ោង១ម៉ឺនរៀល ដោយឈ្មោះជួន គន្ធា ត្រូវជាប្រពន្ធជនរងគ្រោះនិងកូនស្រី ឈ្មោះ យ៉ុន គន្ធី ជាអ្នកចាក់បទចម្រៀងឲ្យភ្ញៀវ ពេលខ្លះភ្ញៀវចាក់បទចម្រៀងខ្លួនឯង។ លុះដល់ថ្ងៃទី២៩ ខែឧសភា ឆ្នាំ២០១៧ វេលាម៉ោង៩ព្រឹក ជនសង្ស័យមិនបានចេញទៅធ្វើការទេ ពេលនោះមានភ្ញៀវមកច្រៀង (ក្មេង៣នាក់ ក្នុងនោះមានស្រីម្នាក់)រហូតដល់ម៉ោង១០នាទីព្រឹកជនសង្ស័យក៏ចេញពីផ្ទះទៅរកជាងមកធ្វើរ៉ឺម៉ក់អូសម៉ាស៊ីនផ្សារដែក លុះដល់ម៉ោង២រសៀលជនសង្ស័យបានត្រឡប់មកផ្ទះវិញឃើញសមត្ថកិច្ចច្រើននាក់កំពុងធ្វើការត្រួតពិនិត្យឆែកឆេរតាមបន្ទប់ខារ៉ាអូខេក្រោមផ្ទះរបស់ខ្លួនរកឃើញវត្ថុតាងខាងលើនិងឃាត់ខ្លួនជនសង្ស័យម្ចាស់ផ្ទះនិងជនសង្ស័យជាភ្ញៀវមកច្រៀងពាក់ព័ន្ធនឹងករណីប្រើប្រាស់គ្រឿងញៀននៅក្នុងបន្ទប់ខារ៉ាអូខេចំនួន១៣នាក់មកសាកសួរនៅអធិការដ្ឋាននគរបាលស្រុកមុខកំពូល។

នៅចំពោះមុខសមត្ថកិច្ច ជនសង្ស័យទាំង១៣នាក់បានសារភាពថា ខ្លួនពិតជាបានប្រើប្រាស់គ្រឿងញៀនពិតប្រាកដមែន។
ក្រោយពេលកើតហេតុ សមត្ថកិច្ចបានកសាងសំណុំរឿងបញ្ជូនទៅតុលាការ ដើម្បើដោះស្រាយតាមនីតិវិធីច្បាប់៕

មតិយោបល់