ព័ត៌មានជាតិ

ជនអនាថា ជនជាតិជប៉ុនវ័យជាង៨០ឆ្នាំម្នាក់ ដេកស្លាប់នៅក្នុងទីតាំងលើកអីវ៉ាន់ម្តុំឈូកទិព្វ បង្កការភ្ញាក់ផ្អើល

ភ្នំពេញ: បុរសជនជាតិជប៉ុនម្នាក់ វ័យប្រហែល៨០ឆ្នាំជាង ដែលត្រូវបានគេអះអាងថាជាជនអនាថា បានដេកស្លាប់នៅម្តុំឈូកទិព្វ កន្លែងលើកអីវ៉ាន់ បង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋ សមត្ថកិច្ចចុះទៅអន្តរាគមន៍ពិនិត្យ។


ហេតុការណ៍នេះកើតឡើងកាលពីវេលាម៉ោង៤រសៀល ថ្ងៃទី៥ ខែមិថុនា ឆ្នាំ២០១៧ ស្ថិតនៅចំណុចផ្លូវលេខ៣៣៦ ក្រុមទី៤ ភូមិ១០ សង្កាត់ផ្សារដើមគរ ខណ្ឌទួលគោក រាជធានីភ្នំពេញ។


មុនពេលកើតហេតុ គេបានឃើញ បុរសជនជាតិជប៉ុនម្នាក់ មានវ័យប្រហែល៨០ឆ្នាំជាង ដែត្រូវបានគេអះអាងថាជាជនពិការ បានដើរតែម្នាក់ឯងមកចំណុចកើតហេតុខាងលើ លុះបានមកដល់ចំណុចទីតាំងរបស់លោក ជាយ តាយ អភិបាលខេត្តកណ្តាល ម្តុំឈូកទិព្វកន្លែងលើកអីវ៉ាន់ ត្រូវបានកម្មករឃើញក៏ហៅឲ្យសម្រាកនៅចំណុចកើតហេតុខាងលើ រហូតដល់ម៉ោងកើតហេតុ ស្រាប់តែឃើញស្លាប់តែម្តង។ ចំណែកសាកសពជនរងគ្រោះ នៅមិនទាន់ស្គាល់អត្តសញ្ញាណនៅឡើយនោះទេ៕

មតិយោបល់