ផ្ទះ ព័ត៌មានជាតិ អគ្គីភ័យឆាបឆេ...

អគ្គីភ័យឆាបឆេះ ផ្ទះល្វែងនៅខាងជើងផ្សារសំណង់១២ បណ្ដាលមកពីឆ្លងចរន្តអគ្គិសនី

0

ភ្នំពេញ​ ៖ ​ផ្ទះល្វែង​នៅ​ខាងជើង​ផ្សារ​សំណង់​១២​ ឆ្លង​ចរន្ត​អគ្គិសនី ឆាប​ឆេះ​បង្ក​ការ​ភ្ញាក់ផ្អើល​ដល់​រថយន្ត​ពន្លត់​ ចុះមក​អន្តរាគមន៍ ស្ថិ​ត​នៅផ្ទះ​លេខ​៧F ផ្លូវ​២៦៥ ភូមិ​១៣ ក្រុម​៣៦ សង្កាត់​ទឹកល្អក់​៣ ខណ្ឌទួលគោក ​រាជធានី​ភ្នំពេញ ​កាលពី​ម៉ោង​១០ និង​២០​នាទី ថ្ងៃទី​៦ ខែមេសា ឆ្នាំ​២០១៦​។
សាក្សី​នៅ​​កន្លែង​កើតហេតុ​ បាន​ឲ្យ​ដឹងថា​ ​​​ផ្ទះ​កើតហេតុ​ខាងលើ​មាន​ផ្សែង​ហ៊ុយ​ចេញពី​ជាន់​ទី​១​ ក៏​បង្ក​ការ​ភ្ញាក់ផ្អើល​ដល់​សមត្ថ​កិច្ច​ប៉ុស្ដិ៍​ ​ខណ្ឌទួលគោក​ ចុះមក​អន្តរាគមន៍​ជួយ​ពន្លត់​ទាន់​ពេលវេលា​ដោយ​ប្រើប្រាស់​រថយន្ត​ពន្លត់អគ្គីភ័យ​ចំនួន​៥​គ្រឿង​។​ក្នុង​ការ​ពន្លត់អគ្គីភ័យ​នេះ​លោក ​ប៉ាង ​លីដា​ អភិបាល​រង​នៃ​គណ:អភិបាលខណ្ឌ​ទួលគោក​បញ្ជូន​កម្លាំង​ប្រជា​ការពារ​ សហកា​រ​ជាមួយ​មន្ត្រី​នគរ​បាល​និង​ឡានទឹក​ផង​ដែរ​ដើម្បី​សម្រួល​ចរាចរណ៍​។
នគ​របាល​ បានបញ្ជាក់​ថា​ ករណី​អគ្គីភ័យ​ខាងលើ​គឺ​បណ្តាល​មកពី​ឆ្លង​ចរន្ត​អគ្គិសនី​ដោយ​ម្ចាស់​ជាន់​ទី​១​ ទៅ​ធ្វើ​ការ​ ដោយមាន​ម្ចាស់​ជាន់​ក្រោម​ចាក់សោ​បើកទ្វារ​ឲ្យ​ខាង​កម្លាំង​ជំនាញ​ចូល​ឡើង​ទៅ​បាញ់ ​ទឹក​ពន្លត់ភ្លើង​ឆេះ​ នេះ​ អស់​រយះពេល​៤៥​នាទី​។​ម្ចាស់ផ្ទះ​ឈ្មោះ ចាប សុជាតិ ភេទ​ប្រុស អាយុ​៤២​ឆ្នាំ មុខរបរ​ជា​មន្ត្រី​រាជកា​រ​។
បច្ចុប្បន្ន​អគ្គីភ័យ​ត្រូវ​បាន​ពន្លត់​ទាំងស្រុង​ហើយ ​និង​មិនទាន់​ដឹង​ទំហំ​នៃ​ការ​ខូចខាត​ទេ ​ដោយ​មិនមាន​ការ​បញ្ជាក់​ពី​ភាគី​ម្ចាស់ផ្ទះ​ដោយសារ​សោក​ស្តាយ​ និង​រឿង​ទាំងនេះ​កើតឡើង​៕

   
    
    
    
    
 

Loading...