ក្រចេះ: ហេតុការណ៍គ្រោះថ្នាក់ដ៏រន្ធត់មួយដែលបណ្តាលមនុស្សឲ្យយ៉ាងហោចណាស់ស្លាប់ម្នាក់ និងរបួសធ្ងន់៣នាក់ បន្ទាប់ពីរថយន្តសាំយ៉ុងមួយគ្រឿងបែកកង់មុខរេចង្កូតធ្លាក់ផ្លូវ។

ហេតុការណ៍នេះកើតឡើងនៅម៉ោង២និង៣០នាទី រសៀលថ្ងៃទី៨ ខែមិថុនា ឆ្នាំ២០១៧ នៅចន្លោះគីឡូម៉ែត្រលេខ៣៩៤-៣៩៥ លើកំណាត់ផ្លូវជាតិលេខ៧ ក្នុងភូមិអូរគ្រៀង ឃុំអូរគ្រៀង ស្រុកសំបូរ ខេត្តក្រចេះ។

សមត្ថកិច្ចបានឲ្យដឹងថា សាកសពជនរងគ្រោះ និងអ្នករងរបួសធ្ងន់ទាំង៣នាក់ទៀត នៅមិនទាន់ស្គាល់អត្តសញ្ញាណនៅឡើយទេ។
ក្រោយពីកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើការវាស់វែងនិងបញ្ជូនអ្នករបួសទៅព្យាបាលនៅមន្ទីរពេទ្យ៕