ភ្នំពេញៈ ហេតុការណ៍ភ្ញាក់ផ្អើលមួយបានកើតឡើង ក្រោយពីរថយន្តបាឡែនមួយគ្រឿង ពាក់ស្លាកលេខ ភ្នំពេញ 2AG-7863 កំពុងតែបើកបរសុខៗ ស្រាប់តែឃើញនារីជាប្រពន្ធជិះម៉ូតូជាមួយអ្នកផ្សេង កើតភ្លើងប្រចណ្ឌក៏បានបើករថយន្តដេញបុកបានរេចង្កូតបុកចូលផ្ទះវីងវេលុយ ស្លាកយីហោ សុខ​ បញ្ញា បណ្តាលឲ្យស្រ្តីជាប្រពន្ធរបួសបាក់ជើង និងបាក់របងក្លោងទ្វារ រងការខូចខាតយ៉ាងដំណំ។

ហេតុការណ៍កើតឡើងនៅវេលាម៉ោង១និង៣០នាទីយប់ រំលងអធ្រាត្រ ឈានចូលថ្ងៃទី១០ ខែមិថុនា ឆ្នាំ២០១៧ ស្ថិតនៅតាមបណ្តោយផ្លូវ២៧៣ កែង
និងផ្លូវ៥១៦ សង្កាត់បឹងកក់១ ខណ្ឌទួលគោក។

ក្រោយពីកើតហេតុ សមត្ថកិច្ចបានចុះទៅដល់កន្លែងកើតហេតុ ដោយភាគីទាំងសងខាងដោះស្រាយមិនត្រូវគ្នា ទើបកម្លាំងសមត្ថកិច្ចនាំយករថយន្តខាងលើ មករក្សាទុកនៅខណ្ឌទួលគោក រង់ចាំដោះស្រាយគ្នាតាមនីតិវិធីច្បាប់ ។ ហើយក្នុងក៏មានការផ្សាយផ្ទាល់នៅលើផេក Post News Media ផងដែរ៕