ភ្នំពេញៈ កម្លាំងនគរបាលអន្តរាគមន៍ខណ្ឌពោធិ៍សែនជ័យឃាត់ខ្លួនជនសង្ស័យជួញដូរនិងប្រើប្រាស់គ្រឿងញៀនចំនួន៣នាក់និងដកហូតក្រាមសថ្លាសង្ស័យគ្រឿងញៀន៣កញ្ចប់ថង់តូច។
ហេតុការណ៍នេះបានកើតឡើងនៅវេលាម៉ោង១០និង១០នាទីយប់ថ្ងៃទី១១ខែ មិថុនា ឆ្នាំ២០១៧ ត្រង់ចំណុចមុខក្លឹបមិតណាយ ផ្លូវវេងស្រេង ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យទាំង៣នាក់នោះមានទី១ឈ្មោះ លី ប៉ាលី ភេទប្រុស អាយុ១៩ឆ្នាំ មុខរបរ មិនពិតប្រាកដ ស្នាក់នៅភូមិគោក
បញ្ជាន់សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។ ទី២ ឈ្មោះ ឈាន ចាន់ណា មុខរបរមិនពិតប្រាកដ ទីលំនៅ ខេត្តព្រៃវែង និងទី៣ឈ្មោះ រ៉េន វណ្ណៈ ហៅកាក់ភេទប្រុសអាយុ២៩ឆ្នាំ មុខរបរមិនពិតប្រាកដ ស្នាក់ភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
វត្ថុតាងដកហូតបានមានក្រាមពណ៌សថ្លាសង្ស័យគ្រឿងញៀនចំនួន៣កញ្ចប់ថង់តូច។
ប្រភពពីសមត្ថកិច្ចបានឲ្យដឹងថាមុនពេលកើតហេតុ កម្លាំងកងអន្តរាគមន៍នៃអធិការដ្ឋាននគរបាលខណ្ឌពោធិ៍សែនជ័យបានធ្វើការជិះដើរល្បាតការពារក្នុងភូមិសាស្ត្រស្មុកស្មាញ លុះជិះមកដល់មុខក្លឹប មិតណាយ ផ្លូវវេងស្រេង ភូមិត្រពាំងថ្លឹងសង្កាត់ចោមចៅ ខណ្ឌពោធិ៍សែនជ័យ
ក៏ប្រទះឃើញជនសង្ស័យចំនួន២នាក់ ឈ្មោះ លី ប៉ាលី និងឈ្មោះ ឈាន ចាន់ណា ឈរនៅទីងងឹតមុខក្លឹបមិណាយ ទើបកម្លាំងមានការសង្ស័យបានហៅហើយធ្វើការត្រួតពិនិត្យឆែកឆេររកឃើញក្រាមពណ៌សថ្លាចំនួន៣កញ្ចប់ ក្រោយមកសមត្ថកិច្ចបានសាកសួរ ជនសង្ស័យទាំង២នាក់បានប្រាប់ថាថ្នាំញៀនទាំង៣កញ្ចប់ថង់តូចនេះ ពួកគេយកពីឈ្មោះ រ៉េន វណ្ណៈ ហៅកាក់ ទើបសមត្ថកិច្ចយើងបានទៅឃាត់ខ្លួនឈ្មោះ រ៉េន វណ្ណៈ ហៅកាក់ រួមនិងជនសង្ស័យទាំង២នាក់ មកកាន់ផ្នែកជំនាញនគរបាលយុត្តិធម៌ខណ្ឌពោធិ៍សែនជ័យដើម្បីសាកសួរតែម្តង។
បច្ចុប្បន្ជនសង្ស័យរួមជាមួយវត្ថុតាង ត្រូវបានកំលាំងអន្តរាគមន៍បញ្ជូនខ្លួនទៅកាន់ផ្នែកជំនាញនគរបាលយុត្តិធម៌ដើម្បីបន្តអនុវត្តតាមនីតិវិធីច្បាប់៕
មតិយោបល់