ភ្នំពេញ ៖ សង្សារមួយ គូរបន្ទាប់ពីជួលបន្ទប់ស្នាក់នៅជាមួយគ្នាស្រាប់តែខាងប្រុសបែកគំនិតយកម៉ូតូរបស់ខាងស្រី យកទៅបញ្ចាំ ក៏ត្រូវខាងស្រីប្តឹងសមត្ថកិច្ចឲ្យឃាត់ខ្លួន កាលពីវេលាម៉ោង១២និង៣ ០នាទីថ្ងៃទី០៥ ខែមេសា ឆ្នាំ២០១៦នៅចំណុចក្នុងផ្សារសូរិយាម៉ល ផ្លូវលេខ៥១សង្កាត់ផ្សារថ្មី៣ខណ្ឌដូនពេញ។
សមត្ថកិច្ច បានឲ្យដឹងថា ជនសង្ស័យជាសង្សារប្រុសដែលឃាត់ខ្លួនពីបទរំលោភសេចក្តីទំនប់ចិត្តនេះឈ្មោះ តៃ វ៉ាន់ថា ភេទប្រុសអាយុ៣២ឆ្នាំ ពុំមានមុខរបរពិតប្រាកដស្នាក់នៅផ្ទះជួលកើតហេតុ។ចំណែកនារីរងគ្រោះឈ្មោះសោម សុភ័ក្រ អាយុ៣៤ឆ្នាំ មុខរបរលក់ដូរស្លាក់នៅសង្កាត់បឹងទំពន់ខណ្ឌមានជ័យ។រីឯម៉ូតូដែលខាងប្រុសយកទៅបញ្ចាំនោះម៉ាកស៊ូម័រ អ៊ិច ពណ៌ខ្មៅ។
សមត្ថកិច្ច បានឲ្យដឹងថា នៅមុនពេលកើតហេតុជនរងគ្រោះ និងជនសង្ស័យជាសង្សារ និងគ្នាបានមកជួលផ្ទះលេខ៩២E៤ផ្លូវលេខ៥៣សង្កាត់ផ្សារថ្មី៣ខណ្ឌដូនពេញ ស្នាក់នៅជាមួយគ្នាស្រាប់តែខាងប្រុសបែកគំនិត បានយកម៉ូតូរបស់ជនរងគ្រោះយកទៅបញ្ចាំក៏ត្រូវខាងស្រីប្តឹងសមត្ថកិច្ចឲ្យឃាត់ខ្លួនជនសង្ស័យរូបនោះតែម្តង។
សមត្ថកិច្ចបញ្ជាក់ថា ម៉ូតូដែលជនសង្ស័យយកទៅបញ្ចាំនោះត្រូវបានប្អូនប្រុសរបស់ជនសង្ស័យឈ្មោះ តែ បញ្ញា អាយុ២៥ឆ្នាំបានទៅលោះយកមកឲ្យកម្លាំងសមត្ថកិច្ច រួចសមត្ថកិច្ចបានប្រគល់ទៅឲ្យជនរងគ្រោះវិញហើយ។ចំណែកជនសង្ស័យកំពុងកសាងសំណុំរឿងបញ្ជូនទៅចាត់ការតាមនីវិធីច្បាប់៕
មតិយោបល់