កណ្ដាល: កេ្មងប្រុសម្នាក់ ជិះកង់ឆ្លងថ្នល់ ត្រូវរថយន្តនីសាន់កិនស្លាប់ភ្លាមៗ នៅតាមបណ្តោលផ្លូវលេខ១១០
ក្នុងភូមិឫស្សីស្រុក ឃុំឈើទាល ស្រុកកៀនស្វាយ ខេត្តកណ្ដាល វេលាម៉ោង១១និង១០នាទី ថ្ងៃទី២២ ខែឧសភា ឆ្នាំ២០១៦នេះ ។

សមត្ថកិច្ចបានឲ្យដឹងថា ក្មេងរងគ្រោះឈ្មោះ ពៅ លីហួ ភេទប្រុស អាយុ៦ឆ្នាំ ជាសិស្ស មានទីលំនៅ ភូមិឫស្សីស្រុក ឃុំឈើទាល ស្រុកកៀនស្វាយ ខេត្តកណ្ដាល ខណៈជិះកង់តូចពណ៌ស ឆ្លងថ្នល់ត្រូវរថយន្តម៉ាក NISSAN- DIESEL ពណ៌ខៀវ ពាក់ស្លាកលេខភ្នំពេញ3A-8743 បើកមានទិសដៅពី ក្រោមទៅខណ្ឌច្បារអំពៅ ជារថយន្តដឹកដីចង្កូតស្ដាំ បើកបរច្រាសទិសគ្នា បើកបុកលើកង់របស់ក្មេងនោះ បណ្ដាលឲ្យកិនស្លាប់នៅកន្លែងកើតហេតុ។ ចំណែករថយន្តបានបើកហួសទៅ មុខប្រហែល ៥០០ម៉ែត្រ អ្នកបើកបរមិនស្គាល់មុខ បានរត់គេចខ្លួនបាត់ ទុករថយន្តចោល។

ក្រោយពីកើតហេតុកម្លាំងជំនាញ និងប៉ុស្តិ៍បានចុះដល់កន្លែងកើតហេតុបន្តរតាមនីតិវិធី៕