ព្រះសីហនុ: រថយន្តលុចស៊ីសមួយគ្រឿង បើកបុកម៉ូតូ បណ្តោលឲ្យអ្នកបើកបរម៉ូតូស្លាប់ នៅនិងកន្លែងកើតហេតុ នៅស្រុកព្រៃនប់ វេលាម៉ោង៨យប់ ថ្ងៃទី២២ ខែឧសភា ឆ្នាំ២០១៦នេះ។

ករណីគ្រោះថ្នាក់ចរាចរណ៍នេះ សមត្ថកិច្ច បានប្រាប់ឲ្យដឹងថា កើតឡើងលើដងផ្លូវជាតិលេខ៤ ត្រង់ចំណុចគីឡូម៉ែត្រ២០៨ ស្ថិតក្នុងភូមិថ្មធំ ឃុំរាម ស្រុកព្រៃនប់ រវាងរថយន្ត១គ្រឿង ម៉ាកលុចស៊ីស ពាក់ស្លាកលេខភ្នំពេញ2Y-9956 បើកបរក្នុងទិសដៅ ពីភ្នំពេញ មកខេត្តព្រះសីហនុ មកដល់ចំណុចកើតហេតុខាងលើ បានបុកម៉ូតូមួយគ្រឿងម៉ាកហុងដាសេ125ពណ៌ខ្មៅ ទិសដៅផ្ទុយគ្នា បណ្ដាលឲ្យអ្នកបើកបរម៉ូតូឈ្មោះ តាន់ រ៉េត ភេទប្រុស អាយុ២៤ឆ្នាំ មុខរបរកសិករ មានទីលំនៅភូមិព្រែកក្រាញ់ ឃុំសាមគ្គី ស្រុកព្រៃនប់ ស្លាប់ភ្លាមៗនៅកន្លែងកើតហេតុ។

អ្នកបើកបររថយន្តបង្កត្រូវបានសមត្តកិច្ច ឃាត់ខ្លួន បញ្ជូនទៅការិយាល័យនគរបាលចរាចរណ៍ខេត្ត។
បច្ចប្បន្នអ្នកស្លាប់ ត្រូវបានសាច់ញាតិយកទៅធ្វើបុណ្យតាមប្រពៃណី៕