ភ្នំពេញ: នៅថ្ងៃទី១៦ ខែមិថុនា ឆ្នាំ២០១៧ កម្លាំងអាវុធហត្ថរាជធានីភ្នំពេញ បានបង្ក្រាប និងឃាត់ខ្លួនជនសង្ស័យចំនួន១០នាក់ ពាក់ព័ន្ធករណីគ្រឿងញៀន ខុសច្បាប់។

ជនសង្ស័យទាំង១០នាក់ ទី១ឈ្មោះ សេង ស៊ុននី ហៅអាខ្មោច ភេទប្រុស អាយុ ២៥ឆ្នាំ,ទី២ឈ្មោះ សេង ប៊ុនធឿន ហៅអាយ៉ាន់ ភេទប្រុស អាយុ១៨ឆ្នាំ ,ទី៣ឈ្មោះ សេង ស៊ីណាត ភេទប្រុស អាយុ៣២ឆ្នាំ ,ទី៤ឈ្មោះ ពៅ សំណាង ភេទប្រុស អាយុ១៨ឆ្នាំ ត្រូវបានកម្លាំងល្បាតអាវុធហត្ថខណ្ឌទួលគោក សហការជាមួយសមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ ធ្វើការបង្ក្រាប និងឃាត់ខ្លួនបានកាលពីវេលាម៉ោង២ និង៣០នាទីរសៀល នៅចំណុចផ្ទះមិនរៀបរយ ភូមិមានជ័យ១ សង្កាត់ស្ទឹងមានជ័យ ខណ្ឌមានជ័យ ,ទី៥ឈ្មោះ ង៉ែត រ៉េឈីត ភេទប្រុស អាយុ១៧ឆ្នាំ ,ទី៦ឈ្មោះ ស៊ឹម សុខគង់ ភេទប្រុស អាយុ១៧ឆ្នាំ ,ទី៧ឈ្មោះ ថន ស៊ីយាន ភេទប្រុស អាយុ ១៧ឆ្នាំ ត្រូវបានកម្លាំងអាវុធហត្ថខណ្ឌទួលគោក ធ្វើការបង្ក្រាប និងឃាត់ខ្លួនបានកាលពីវេលាម៉ោង២ និង៤០នាទីរសៀល នៅចំណុចលើផ្លូវបេតុង ភូមិ១៣ សង្កាត់បឹងកក់២ ខណ្ឌទួលគោក ,ទី៨ឈ្មោះ សាទ សុខហត្ថា ភេទប្រុស អាយុ ២៧ឆ្នាំ ,ទី៩ឈ្មោះ ភី សុថា ភេទប្រុស អាយុ២៩ឆ្នាំ និងទី១០ឈ្មោះ ហម សំណាង ភេទប្រុស អាយុ២៣ឆ្នាំ ត្រូវបានកម្លាំងល្បាតខណ្ឌច្បាអំពៅធ្វើការបង្រា្កបនិង ឃាត់ខ្លួនបានកាលពីវេលាម៉ោង២ និង៤០នាទី រសៀល នៅចំណុចភូមិដើមចាន់១ សង្កាត់ច្បាអំពៅ២ ខណ្ឌច្បាអំពៅ រាជធានីភ្នំពេញ។ ដកហូតថ្នាំញៀនចំនួន២៨កញ្ចប់ ប្រភេទម៉ាទឹកកក។

បច្ចុប្បន្ន ជនសង្ស័យ១០នាក់ខាងលើ ត្រូវបានសមត្ថកិច្ចជំនាញនៃការិយាល័យបង្រ្កាបបទល្មើសគ្រឿងញៀន អាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីផ្ដន្ទាទោសតាមនិតិវិធីច្បាប់៕