ព័ត៌មានជាតិ

រន្ធត់ណាស់លោកអើយ! ក្មេងប្រុសអាយុ៤ឆ្នាំម្នាក់រត់ឆ្លងផ្លូវ ត្រូវកុងតឺន័រក្រុមហ៊ុនមីង ល័ង្គកិនដាច់ដៃដាច់ជើងចេញពីគ្នា

ព្រះសីហនុ: លោកវរសេនីយ៍ឯក អ៊ី សុខា ស្នងការរងខេត្តព្រះសីហនុ ទទួលបន្ទុកចរាចរណ៍បានប្រាប់Post Newsថាមានករណីគ្រោះថ្នាក់ចរាចរណ៍មួយបានកើតឡើង បន្ទាប់ពីក្មេងប្រុសអាយុ៤ឆ្នាំម្នាក់រត់ឆ្លងផ្លូវ ត្រូវរថយន្តកុងតឺន័ររបស់ក្រុមហ៊ុន មីង ល័ង្គ ចាប់ហ្វ្រាំងមិនទាន់កិនខ្ទេចខ្លួនដាច់ដៃជើងយ៉ាងរន្ធត់។

ហេតុការណ៍នេះបានកើតឡើងកាលពីវេលាម៉ោង១២និង៣០នាទី ថ្ងៃត្រង់ទី២០ ខែមិថុនា ឆ្នាំ២០១៧ ស្ថិតនៅតាមបណ្តោយផ្លូវជាតិលេខ៤ ចន្លោះគីឡូម៉ែត្រ១៩៥-១៩៦ ក្នុងភូមិបត់គគី ឃុំអូរឧកញ្ញ៉ាហេង ស្រុកព្រៃនប់ ខេត្តព្រះសីហនុ។

តាមប្រភពព័ត៌មានពីសមត្ថកិច្ចបានបញ្ជាក់ឲ្យដឹងថា ករណីគ្រោះថ្នាក់ចរាចរណ៍នេះបង្កដោយ រថយន្តដឹកកុងតឺន័រ១គ្រឿង របស់ក្រុមហ៊ុន មីង ល័ង្គ បើកបរក្នុងទិសដៅពីភ្នំពេញឆ្ពោះមកខេត្តព្រះសីហនុ លុះដល់ចំណុចខាងលើក៏បានបុកក្មេងប្រុសម្នាក់អាយុ៤ឆ្នាំ ដែលកំពុងឆ្លងកាត់ផ្លូវ បណ្ដាលឲ្យស្លាប់ភ្លាមៗនៅកន្លែងកើតតែម្តង។ ចំណែកអ្នកបើកបររថយន្តបង្កវិញ បានរត់គេចខ្លួនបាត់ក្រោយពេលពីបង្កហេតុ។

បច្ចុប្បន្នរថយន្តខាងលើ ត្រូវបានសមត្ថកិច្ចយកមករក្សាទុកនៅអធិការដ្ឋាននគរបាលស្រុកព្រៃនប់ ដើម្បីរង់ចាំធ្វើការដោះស្រាយគ្នានៅពេលក្រោយតាមផ្លូវច្បាប់ ចំណែកសាកសពក្មេងរងគ្រោះត្រូវបានសមត្ថកិច្ចប្រគល់ទៅឲ្យក្រុមគ្រួសារធ្វើបុណ្យតាមប្រពៃណី៕

មតិយោបល់