ភ្នំពេញ: សមត្ថកិច្ចឃាត់ខ្លួនជនសង្ស័យម្នាក់ ជាអនីតិជន ពាក់ពន្ធ័នឹងករណីជួញដូរដោយខុសច្បាប់នូវសារធាតុញៀន។

ក្នុងការចុះបង្រ្កាបបានធ្វើឡើងនៅវេលាម៉ោង១០ និង១០នាទីព្រឹក ថ្ងៃទី២៧ ខែមិថុនា ឆ្នាំ២០១៧ នៅចំណុចប្លុក រោងចក្រឆ្នាំង ក្រុមទី១០៩ ភូមិ២៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។

សមត្ថកិច្ចបានឲ្យដឹងថា ជនសង្ស័យជាអនីតិជន ឈ្មោះ គឹម ឈុនលី ភេទប្រុស អាយុ១១ឆ្នាំ ស្នាក់នៅមិនពិតប្រាកដ ស្រុកកំណើតខេត្តព្រៃវែង។ ក្នុងនោះដកហូតបាន៖ ក្រាមពណ៌សថ្លាចំនួន៤១កញ្ចប់តូច សង្ស័យជាគ្រឿងញៀន។

បច្ចុប្បន្នជនសង្ស័យ ត្រូវបានសមត្ថកិច្ចខ្លួនជាបណ្ដោះអាសន្ន នៅអធិការដ្ឋាន នគរបាលខណ្ឌទួលគោក ដើម្បីសាកសួរ កសាងសំណុំរឿង និងបញ្ជូនជនសង្ស័យទៅសាលាដំបូង រាជធានីភ្នំពេញ ចាត់ការតាមផ្លូវច្បាប់៕