គម្រោង SKYTREE​ បានចាប់ផ្តើមសាងសង់ឡើងតាំងពីឆ្នាំ ២០១៦ បច្ចុប្បន្នគម្រោងនេះបានដំណើរការសាងសង់បានប្រមាណ ៤០ ភាគរយហើយ ដែលនឹងគម្រោងបញ្ចប់នៅឆ្នាំ ២០១៩ ខាងមុខនេះ។

តាមរយៈការសំភាសន៍ជាមួយនឹង កញ្ញា អេនណា ជំនួយការអ្នកគ្រប់គ្រងទីផ្សារបានឲ្យដឹងថា “ ហេតុផលដែលក្រុមហ៊ុនសម្រេចចិត្តវិនិយោគគម្រោងនេះ នៅកម្ពុជាដោយសារតែ វិនិយោគិនរបស់យើងមើលឃើញពីសក្តានុពលនៅប្រទេសកម្ពុជា ដែលកំពុងតែមានការលូតលាស់យ៉ាងឆាប់រហ័ស”។

កញ្ញាបានបន្ថែមថាចំពោះហេតុផលមួយផ្សេងទៀតដែលក្រុមហ៊ុនសម្រេចចិត្តជ្រើសរើសទីតាំងនៅតំបន់ទួលសង្កែមកអភិវឌ្ឍ ក៏ព្រោះតែតំបន់នេះនឹងក្លាយជាតំបន់សេដ្ឋកិច្ចពិសេស ដែលនឹងក្លាយជាទីក្រុងថ្មីមួយនាពេលឆាប់ៗនេះផងដែរ។

ទន្ទឹមនឹងនោះរដ្ឋាភិបាល គ្រោងនឹងពង្រីកផ្លូវនៅខាងមុខខុនដូ SKYTREE ៣០ ម៉ែត្រ និងខាងក្រោយ SKYTREE ៣០ ម៉ែត្រផងដែរ ដែលជាហេតុជំរុញគម្រោងនេះនឹងកាន់តែមានសក្តានុពលបន្ថែមនាពេលអនាគត។

គួរបញ្ជាក់ផងដែរ SKYTREE ត្រូវបានអភិវឌ្ឍដោយវិនិយោគិនចិនតៃវ៉ាន់ និងជាគម្រោងទី ១ ដែលក្នុងនេះមាន ២ គម្រោងបន្ថែមទៀតដែលគ្រោងនឹងបើកបង្ហាញជាផ្លូវការនៅអំឡុងពេលចុងឆ្នាំខាងមុខនេះ៕