ភ្នំពេញ: យោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម បានឲ្យដឹងពីការព្យាករណ៍អាកាសធាតុសម្រាប់ថ្ងៃទី២៩ ខែមិថុនា ដល់ថ្ងៃទី៨ ខែកក្កដា ឆ្នាំ២០១៧​បានឲ្យដឹងថា ចាប់ពីថ្ងៃទី២៩ ខែមិថុនា ដល់ថ្ងៃទី២ ខែកក្កដា ខ្យល់មូសុងនិរតីនិងជ្រលងសម្ពាធទាប នឹងមានឥទ្ធផលខ្សោយមកលើប្រទេសកម្ពុជា ។ ចំណែកចាប់ពីថ្ងៃទី៣ ដល់ថ្ងៃទី៨ ខែកក្កដា ជ្រលងសម្ពាធទាបនឹងបង្កើនឥទ្ធពលលើព្រះរាជាណាចក្រកម្ពុជាវិញ។

ក្នុងនោះដែរ លក្ខណ:បែបនេះ នឹងធ្វើឲ្យអាកាសធាតុនៅប្រទេសកម្ពុជា ចាប់ពីថ្ងៃទី២៩ ខែមិថុនា ដល់ថ្ងៃទី២កក្កដា នៅតំបន់វាលទំនាប និងតំបន់ខ្ពង់រាប អាចនឹងមានភ្លៀកធ្លាក់ពីធម្យមទៅបង្គួរ(តែមិនរាយប៉ាយសព្វទីកន្លែងទេ) ចំណែកតំបន់មាត់សមុទ្រ អាចនឹងភ្លៀកធ្លាក់រាយប៉ាយ ពីបង្គួរទៅច្រើន។

មិនតែប៉ុណ្ណោះចាប់ពីថ្ងៃទី៣ ដល់ថ្ងៃទី៨ ខែកក្កដា ភ្លៀងនឹងបង្កើនការធ្លាក់រាយប៉ាយពីមធ្យមទៅច្រើនក្នុងក្របខណ្ឌទូទាំងប្រទេស ក្នុងនោះតំបន់ទំនាបកណ្តាលភាគពាយ័ព្យ និងតំបន់មាត់សមុទ្រ អាចនឹងភ្លៀកធ្លាក់ពីបង្គួរទៅច្រើន៕