ភ្នំពេញៈ បុរសម្នាក់ជិះម៉ូតូក្នុងស្ថានភាពស្រវឹងស្រា បណ្តាលឲ្យដួលបែកមុខរងរបួសស្រាល។
ហេតុការណ៍នេះកើតឡើងនៅវេលាម៉ោង៣ និង៤៥នាទី រសៀល ថ្ងៃទី២ ខែកក្កដា ឆ្នាំ២០១៧ ក្នុងភូមិ ត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។

ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញបុរសម្នាក់វ័យប្រហែល៣០ឆ្នាំ ជិះម៉ូតូ ឌ្រីមសង់ សេ១២៥ ឆ្នាំ២០១១ ពាក់ស្លាកលេខ កណ្តាល1Q- 6066 ក្នុងសភាពស្រវឹងស្រា ក្នុងទិសនៅពីជើងទៅត្បូង លុះមកដល់ចំណុចកើតហេតុ ស្រាប់តែមានគោដើឆ្លងកាត់ផ្លូវពេលនោះគាត់បានបើកគេចគោស្រាប់តែដួលតែម្តង ទើបបណ្តាលឲ្យរូបគាត់បែកមុខរងរបួសស្រាល។

ពេលនោះផងដែរប្រជាពលរដ្ឋនៅក្បែរនោះបានមកជួយលើកម៉ូតូរបស់គាត់នឹងរូបគាត់រួចហើយក៏បានជូនគាត់ទៅផ្ទះផងដែរ៕