ភ្នំពេញៈ ភ្នាក់ងារPost News បានរាយការណ៍មកថា មុននេះបន្តិច សមត្ថកិច្ចប៉ុស្តិ៍បឹងទំពុន ឃាត់ខ្លួនជនសង្ស័យ២នាក់ ក្នុងចំណោមបក្ខពួក៣នាក់ ដែលធ្វើសកម្មភាពលួចម៉ូតូប្រជាពលរដ្ឋ ។

ការចាប់ឃាត់ខ្លួនបានធ្វើឡើងនៅវេលាម៉ោង១២ថ្ងៃត្រង់ ទី៣ ខែកក្កដា ឆ្នាំ២០១៧ នៅតាមបណ្តោយផ្លូវ៣៧១ ភូមិក្បាលទំនប់ សង្កាត់បឹងទំពុន ខណ្ឌមានជ័យ។

ជនសង្ស័យទាំង២នាក់ ទី១មានឈ្មោះ ណាង បញ្ញា ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅភូមិសន្សំកុសល សង្កាត់បឹងទំពុន ខណ្ឌមានជ័យ និងទី២ឈ្មោះ តាវ សុខលី ហៅកូ ភេទប្រុស អាយុ១៨ឆ្នាំ មុខរបរ មិនពិតប្រាកដ ស្នាក់នៅភូមិក្បាលទំនប់ សង្កាត់បឹងទំពុន។

បច្ចុប្បន្នជនសង្ស័យ២នាក់ ត្រូវបានសមត្ថកិច្ចធ្វើការសាកសួរ និងកសាងសំណុំរឿងចាត់ការបន្តតាមនីតិវិធីច្បាប់។

ហើយក៏មានការផ្សាយផ្ទាល់នៅលើផេក Post News Media ផងដែរ៕