ភ្នំពេញៈ កម្លាំងផ្នែកប្រឆាំងគ្រឿងញៀន សហការជាមួយកម្លាំងប៉ុស្តិ៍នគរបាលរដ្ឋបាលស្រះចកនៃអធិការដ្ឋាននគរបាលខណ្ឌដូនពេញបានធ្វើការឃាត់ ខ្លួនជន សង្សយ័ជួញដូរនិងប្រើប្រាស់ដោយខុសច្បាប់នូវសារធាតុញៀនចំនួន២នាក់ ដកហូតបានក្រាមពណ៌សថ្លាសង្ស័យគ្រឿងញៀន៣កញ្ចប់តូច។

ហេតុការណ៍នេះបានកើតឡើងកាលពីវេលាម៉ោង១០ និង៣០នាទីព្រឹក ថ្ងៃទី៣ ខែកក្កដា ឆ្នាំ២០១៧ ស្ថិតនៅចំណុចច្រកតូចចង្អៀតផ្លូវលេខ៩០ ភូមិ១២ សង្កាត់ ស្រះចក ខណ្ឌដូនពេញ រាជធានីភ្នំពេញ ។

ជនសង្ស័យត្រូវឃាត់ខ្លួនទាំង២នាក់នោះមានទី១ឈ្មោះ ជី វិរៈ ភេទប្រុស អាយុ៣៧ ឆ្នាំ មុខរបរនឹងទីលំនៅមិនពិតប្រាកដ និងទី២ឈ្មោះ អឿន សន្តិភាព ភេទប្រុស អាយុ២៥ឆ្នាំ មុខរបរលក់នំបុង័ ស្នាក់នៅផ្ទះលេខ១៨Eo ផ្លូវលេខ ៤៧ សង្កាត់ស្រះចក ខណ្ឌដូនពេញ។

វត្ថុតាងចាប់យកបានមានក្រាមសថ្លាសង្ស័យគ្រឿងញៀនចំនួន៣កញ្ចប់តូច,ទូរសព្ទដៃម៉ាHiYaមួយគ្រឿង ,ដបចោះគម្របដាក់ទុយោ១ទុយោមួយចំនួន,កន្ត្រៃមួយ,ដែកកេះមួយ និងម៉ូតូ១គ្រឿងម៉ាកDucati ពណ៌ខ្មៅ ពាក់ស្លាកលេខ ភ្នំពេញ1FX-2869។

ប្រភពព័ត៌មានពីសមត្ថកិច្ចបានឲ្យដឹងថា មុនឈានដល់ការចាប់ឃាត់ខ្លួនជនសង្ស័យ កម្លាំងផ្នែកប្រឆាំងគ្រឿងញៀនសហការ ជាមួយកម្លាំងនគរបាលប៉ុស្តិ៍ស្រះចក បានជិះម៉ូតូល្បាតរហូតមកដល់ចំណុចខាងលើ បានឃើញជនសង្ស័យកំពុងជួញដូរនិងប្រើប្រាស់ដោយខុសច្បាប់នូវសារធាតុញៀន ទើបកម្លាំងធ្វើការបង្ក្រាបជាក់ស្តែងឃាត់ខ្លួនជនសង្ស័យទាំង២នាក់ និងចាប់យកក្រាមសថ្លាសង្ស័យគ្រឿងញៀនចំនួន៣កញ្ចប់តូច រួចបញ្ជូនបន្តមកអធិការដ្ឋាននគរបាលខណ្ឌដូនពេញដើម្បីសាកសួតែម្តង។

បច្ចុប្បន្នជនសង្ស័យនិងវត្ថុតាងកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌដូនពេញ ដើម្បីសាកសួនិងកសាងសំណុំរឿងទៅតាមនីតិវិធីនៅពេលក្រោយ៕