កណ្ដាល: បុរសម្នាក់បានសម្រេចចិត្តធ្វើអត្តឃាតចងកសម្លាប់ខ្លួន បន្ទាប់ពីត្រឡប់មកពីស៊ីផឹក ហើយខឹងម្ដាយធ្វើឲ្យប្រឡាក់ខោអាវរបស់ខ្លួន។
ហេតុការណ៍ភ្ញាក់ផ្អើលនេះបានកើតឡើងនៅវេលាម៉ោង៦ល្ងាច ថ្ងៃទី៣ ខែកក្កដា ឆ្នាំ២០១៧ ត្រង់ចំណុចភូមិព្រែកក្របៅទី៣ ឃុំព្រែកអំពិល ស្រុកខ្សាច់កណ្ដាល ខេត្តកណ្ដាល។
ប្រភពព័ត៌មានបានឲ្យដឹងថា ជនរងគ្រោះមានឈ្មោះ រឿន ទូច ភេទប្រុស អាយុ២៦ឆ្នាំ ជនជាតិខ្មែរ មុខរបរកសិករ នៅភូមិឃុំកើតហេតុខាងលើ(ស្លាប់)។ ឪពុកឈ្មោះ ស៊ុក រឿន អាយុ ៦៩ឆ្នាំ មុខរបរកសិករ ម្ដាយឈ្មោះ វ៉ាន់ សារូ អាយុ៦៧ឆ្នាំ មុខរបរ កសិករនៅភូមិឃុំកើតហេតុខាងលើ។
ប្រភពដដែលបានបន្តថា រយ:ពេល៣ថ្ងៃមកនេះជនរងគ្រោះបានដើរផឹកស៊ីហើយស្រវឹងជារៀងរាល់ថ្ងៃ នៅថ្ងៃកើតហេតុម៉ោង៦ព្រឹកជនរងគ្រោះបានចេញពីផ្ទះបាត់រហូតដល់ម៉ោង១១ ទើបបានត្រឡប់មកផ្ទះវិញហូបបាយបានបន្តិចចេញទៅវិញបាត់ដល់ម៉ោង៦ល្ងាចឃើញមកដល់ផ្ទះដោយមានសភាពស្រវឹងស្រា ហើយឡើងទៅលើផ្ទះឃើញខោអាវរបស់ខ្លួនប្រឡាក់ក៏និយាយថា កុំប៉ះពាល់ខោអាវអញ ពេលនោះ ឈ្មោះ វ៉ាន់ សារូ ជាម្តាយនិយាយថា អញបោសសំអាតលើផ្ទះមុននេះធ្លាក់កំទិចកំទីលើទេ។ បន្ទាប់មកឈ្មោះ វ៉ាន់ សារូ បានចុះមកក្រោមផ្ទះ ដល់វេលាម៉ោង៧យប់ថ្ងៃដែលដោយស្ងាត់មាត់ជនរងគ្រោះទើបឈ្មោះ ស៊ុក រឿន ជាឪពុកបានឡើងទៅមើឃើញជនរងគ្រោះបានចង់កស្លាប់បាត់ទៅហើយដោយយកអាវរបស់ខ្លួនពណ៌ខៀវដៃវែងចង់ភ្ជាប់នឹងធ្នឹមផ្ទះជិតនិងសរសរកណ្តាល។
កម្លាំងផ្នែកពិនិត្យហេតុបានសហការជាមួយកម្លាំងប៉ុស្តិ៍ក្រុមប្រឹក្សាឃុំមេភូមនិងគ្រូពេទ្យបានពិនិត្យដោយហ្មត់ចត់ ជនរងគ្រោះពិតជាបានធ្វើអត្តឃាតដោយចង់កខ្លួនឯងប្រាកដមែន និងបានប្រគល់សពជូនក្រុមគ្រួសារធ្វើបុណ្យតាមប្រពៃណី៕
មតិយោបល់