នេះគឺជារឿងដ៍គួរឲ្យភ្ញាក់ផ្អើលមួយ សម្រាប់ខ្សែប្រយុទ្ធវ័យក្មេងអាហ្សង់ទីន Paulo Dybala ដែលបានស៊ុតបាល់ Free Kick មានចំនួនអ្នកបាំងនៅមុខទីច្រើនយ៉ាងនេះ។

បើតាមប្រព័ន្ធផ្សព្វផ្សាយ ក្នុងប្រទេសអាហ្សង់ទីន បានឲ្យដឹងថា ខ្សែប្រយុទ្ធឆ្នើមរបស់ក្រុមសេះបង្កង់ Juventus កីឡាករ Paulo Dybala បានចូលរួមក្នុងសកម្មភាពប្រកួតបាល់ទាត់ជាលក្ខណះមិត្តភាព ដើម្បីសប្បុរសធម៌មួយនៅ Laguna Larga នាស្រុកកំណើតរបស់គេ។ ក្នុងការលេងជាលក្ខណះសប្បុរសធម៌នេះដែរ Dybala បានបង្ហាញនូវសមត្ថភាពយ៉ាងអស្ចារ្យ តា់រយៈការស៊ុតបាល់ Free Kick នៅលើដំបូលទូក ដែលមានខ្សែការពារបាំងនៅមុខទីចំនួន ១៨នាក់ ដូចអ្នកចាំទីផងដែរ។

ជាការពិតណាស់ Dybala បានស៊ុតបាល់ ក្នុងចំងាយ ២០ ម៉ែត្រ ចំជ្រុងខាងស្តាំ ដោយមិនមានប៉ះនឹងខ្សែការពារណាមួយ នៅនឹងមុខទីឡើយ។ ក្រោយពីទាត់រួចមក មនុស្សជាច្រើនបានទះដៃអបអរ នឹងហ៊ោរកញ្ច្រៀវ លើកទឹកចិត្តដល់ខ្សែប្រយុទ្ធវ័យក្មេង កំពុងតែមានប្រជាប្រិយភាពរូបនេះ។

ខាងក្រោមនេះគឺជាវីដេអូ បង្ហាញពីសកម្មភាព ដែល Paulo Dybala ដ៊ុតបាល់ដ៍អស្ចារ្យមួយនេះ៖

https://www.youtube.com/watch?v=tYAITNKN0Ks