ភ្នំពេញ: បុរសជនជាតិអាមេរិកកាំងម្នាក់ មានជំងឺប្រចាំកាយ បានដេកស្លាប់នៅហាង ហាម៉ឺនី រីវើ អូតែល បង្កការភ្ញាក់ផ្អើលដល់បុគ្គលិក ហើយបានរាយការណ៍ជូនសមត្ថកិច្ចមូលដ្ឋាន។ ហេតុការណ៍នេះបានបង្កការភ្ញាក់ផ្អើលកាលពីវេលាម៉ោង១១ថ្ងៃត្រង់ ទី៤ ខែកក្កដា ឆ្នាំ២០១៧ នៅចំណុចហាង ហាម៉ឺនី រីវើ អូតែល ក្នុងបន្ទប់លេខ៨២០ ជាន់ទី៥ តាមបណ្ដោយមហាវិថីព្រះស៊ីសុវត្ថិ ស្ថិតនៅក្នុងសង្កាត់ជ័យជម្នះ ខណ្ឌដូនពេញ រាជធានីភ្នំពេញ។

បុរសជនជាតិអាមេរិកកាំងដែលស្លាប់នោះមានឈ្មោះ PERKINS BRUCE ADRIAN ភេទប្រុស អាយុ ៧០ឆ្នាំ ជនជាតិអាមេរិក កាន់លិខិតឆ្លងដែនលេខ 505473507។

តាមប្រភពព័ត៌មានបានឲ្យដឹងថា បុរសជនជាតិអាមេរិកដែលស្លាប់រូបនេះ ទើបតែមកស្នាក់នៅហាង ហាម៉ឺនិ រីវើ អូតែល បានរយ:ពេល ៣ថ្ងៃប៉ុណ្ណោះ ដោយបុរសរូបនេះមានជំងឺប្រចាំកាយ ត្អូញថាចុកដៃចុកជើង ចុកចង្កះ ហើយក៏បានឡើងទៅបន្ទប់ ដើម្បីសម្រាក រហតូមកដល់វេលាម៉ោង ១១ថ្ងៃត្រង់ ព្រោះដូចសពដង គឺគាត់ចេញក្រៅ ស្រាប់តែបុគ្គលិកបានយកទូរសព្ទខល តែមិនលើកទូរសព្ទរបស់បុគ្គលិក ក៏ឡើងទៅមើលដោយមាត់ទ្វារមិនមានចាក់សោ ខណ:នោះ ក៏ឃើញបុរសជនជាតិអាមេរិកកាំងដេកស្លាប់ក្នុងបន្ទប់លេខ៨២០ ជាន់ទី៥ នោះតែម្ដង ហើយក៏បង្កការភ្ញាក់ផ្អើល រួចរាយការជូនសមត្ថកិច្ចមូលដ្ឋាន ចុះមកត្រួតពិនិត្យជាក់ស្ដែងនៅកន្លែងកើតហេតុ។

បច្ចុប្បន្ន សមត្ថកិច្ចជំនាញធ្វើកោសល្យវិច័យលើកសាកសពខាងលើ បានប្រាប់ថា បុរសជនជាតិអាមេរិកកាំងនេះស្លាប់ដោយសារជំងឺប្រចាំកាយពិតប្រាកដមែន។ ចំណែកឯសាកសពបុរសជនជាតិអាមេរិកកាំងខាងលើ ត្រូវបានដឹកយកទៅដាក់នៅស្ថានទូតអាមេរិក៕