ព្រៃវែង:សមត្ថកិច្ចនគរបាលស្រុកកញ្ជ្រៀច បានធ្វើការឃាត់ខ្លួនជនសង្ស័យម្នាក់ ពីបទបង្ករបួសស្នាម ភូមិពានាផ្សារ ឃុំក្តឿងរាយ កាលពីម៉ោង១២ និង ០០នាទី ថ្ងៃត្រង់ ថ្ងៃទី២៤ ខែឧសភា ឆ្នាំ២០១៦ នេះ។

ករណីកើតហេតុ នៅចំណុច ភូមិពានាផ្សារ ឃុំក្តឿងរាយ ត្រូវសមត្ថកិច្ចនគរបាលស្រុកកញ្ជ្រៀច បានធ្វើការឃាត់ខ្លួនជនសង្ស័យឈ្មោះ អ៊ុល ធីម ភេទប្រុស អាយុ ២៨ឆ្នាំ រស់នៅ ភូមិពានាផ្សារ ឃុំក្តឿងរាយ ស្រុកកញ្ជ្រៀចបាន លបកាប់ជនរងគ្រោះឈ្មោះ សំ មាស ភេទប្រុស អាយុ៨០ឆ្នាំ នៅភូមិឃុំ ជាមួយគ្នា បណ្តាលឲ្យ រងរបួសស្រាល ១កន្លែង មុតសាច់សើស្បែក ទំហំទទឹង 0,2cm បណ្តោយ 22cm ជំរៅសើស្បែក។

ក្រោយពីកើតហេតុ លោកវរសេនីយ៍ត្រី សៅ ចាន់ថា អធិការនគរបាលស្រុកកញ្ជ្រៀច បានដឹកនាំកម្លាំង ចុះដល់កន្លែងកើតហេតុ និងធ្វើការឃាត់ខ្នួនជនសង្ស័យឈ្មោះ អ៊ុល ធីម ភេទប្រុស អាយុ២៨ឆ្នាំ រួមនឹងវត្ថុតាង ដាវ១ដើម ប្រវែង ០,៧៨ម៉ែត្រ តាមការបញ្ជាក់ពីសមត្ថកិច្ចជំនាញ បានឲ្យដឹងថា ជនសង្ស័យជាមនុស្សញៀនថ្នាំ ពេលនេះបែកថ្នាំ។

បច្ចុប្បន្ន សមត្ថកិច្ចជំនាញ បានបំពេញសំណុំបែបបទតាមនិតិវិធី បញ្ជូនទៅសាលាដំបូងខេត្ត ផងដែរ៕