បាត់ដំបង: នៅវេលាម៉ោង១០យប់ ថ្ងៃទី៥ ខែកក្កដា ឆ្នាំ២០១៧ មានករណីហិង្សាដោយចេតនាមានស្ថានទម្ងន់ទោស មួយកើតឡើងត្រងចំណុចក្រុមទី១១ ភូមិវត្តលៀប សង្កាត់ចម្ការសំរោង ក្រុងបាត់ដំបង ដែលបង្កដោយជនសង្ស័យឈ្មោះ ភិន សំណាង ភេទប្រុស អាយុ៣៧ឆ្នាំ មានទីលំនៅភូមិវត្តលៀប សង្កាត់ចម្ការសំរោង ក្រុងបាត់ដំបង បានយកកាំបិតបុ័ងតោកាប់ទៅលើជនរងឈ្មោះ ស្រេង កុម្ភ: ភេទប្រុស អាយុ២៦ឆ្នាំ មានទីលំនៅភូមិជាមួយគ្នា បណ្តាលឲ្យរងរបួសត្រង់ក្បាលនឹងកដៃស្តាំ។

ករណីខាងលើនេះបណ្តាលមកពីផឹកស្រាស្រវឹងហើយជនរងគ្រោះបានរុញជនសង្ស័យដួលទៅបោកក្បាលនឹងពាង បណ្តាលឲ្យបែកថ្ងាស់ខាងមុខដល់ជនសង្ស័យខឹងក៏យកកាំបិតកាប់ទៅលើជនរងគ្រោះតែម្តង។

បច្ចុប្បន្នជនរងគ្រោះ កំពង់សំរាកព្យាបាលនៅមន្ទីរបង្អែកខេត្តបាត់ដំបង៕