ឧត្តរមានជ័យ៖ មានករណីគ្រោះថ្នាក់ចរាចរណ៍ រវាងម៉ូតូនិងម៉ូតូ បានប្រលះគ្នាយ៉ាងពេញទំហឹងបណ្តាលឲ្យមនុស្ស២នាក់ រងរបួសធ្ងន់។
ហេតុការណ៍នេះ បានកើតឡើងកាលពីវេលាម៉ោង២០និង២០នាទី យប់ ថ្ងៃទី៥ ខែមេសា ឆ្នាំ២០១៦ នៅលើកំណាត់ផ្លូវជាតិលេខ៦៧B ស្ថិតនៅក្នុងភូមិឃ្លាំងកណ្តាល ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ។
នគរបាល ចរាចរណ៍ បានឲ្យដឹងថា ជនរងគ្រោះទាំង២នាក់ ១. ឈ្មោះ ង៉ែត ប្រុស ភេទប្រុស អាយុ១៧ឆ្នាំរស់នៅភូមិទួលប្រាសាទ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ បើកម៉ូតូម៉ាកវ៉េវពណ៌ក្រហមគ្មានស្លាកលេខ របួសក្បាលធ្ងន់ និងម៉ូតូខូចផ្នែកខាងមុខ។ ២.ឈ្មោះ មឿន គា ភេទប្រុស អាយុ២៧ឆ្នាំរស់នៅភូមិស្រះឈូក ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ បើកម៉ូតូវ៉េវពណ៌ខ្មៅគ្មានស្លាកលេខ រងរបួសធ្ងន់បាក់ភ្លៅខាងឆ្វេង និងម៉ូតូខូចផ្នែកខាងមុខ។
នគរបាល បានបន្តទៀតថា ករណីនេះ អធិការនគរបាលស្រុក បានចាត់កម្លាំងជំនាញនិងប៉ុស្តិ៍រដ្ឋបាល ចុះទៅកាន់កន្លែងកើតហេតុភ្លាមៗជួយអន្តរាគមន៍ យកជនរងគ្រោះ មកកាន់មន្ទីរពេទ្យបង្អែកស្រុកអន្លង់វែង និងធ្វើកំណត់ហេតុដកហូតវត្ថុតាងយកមករក្សាទុកនៅអធិការដ្ឋាន នគរបាលស្រុក ដើម្បីចាត់ការបន្តតាមនីតិវិធីច្បាប់៕
មតិយោបល់