ខ្សែប្រយុទ្ធឆ្នើម Lionel Messi នៅមិនទាន់រួចខ្លួននៅឡើយទេ ពីបញ្ហាដែលរូបគេ ប្រឈមនឹងការចោទប្រកាន់ពីបទគេចពន្ធ នូវទឹកប្រាក់ ៤,១លានអឺរ៉ូកាលពីឆ្នាំ ២០០៧-២០០៩ កន្លងមក។

បើតាមការចុះផ្សាយ របស់ AS បានឲ្យដឹងថា ខ្សែប្រយុទ្ធ Lionel Messi របស់ក្រុម Barcelona បានត្រៀមនូវទឹលប្រាក់ប្រមាណជា ២៥២០០០អឺរ៉ូ ដើម្បីលួសខ្លួនឲ្យកីឡាកររូបនេះ នៅក្រៅឃុំបាន។ ក្នុងនោះដែរ បើតាមការពិនិត្យមើលទៅ Messi ត្រូវចំណាយទឹកប្រាក់ខ្ទង់ ៤០០អឺរ៉ូ ក្នុង១ថ្ងៃបើគិតទៅតាមការចំណាយរហូតដល់ទៅ ២៥២០០០អឺរ៉ូនេះក្នុងការរួចខ្លួនពីការនៅក្នុងគុករយៈពេល ២១ខែ។ ក្រៅពី Messi ឪពុករបស់តារាបាល់ទាតមដ៍ឆ្នើមរួបនេះ លោក Jorge ក៍ត្រូវបានជាប់ខ្លួនពាក់ព័ន្ធ ក្នុងករណីបន្លំលុយគេចពន្ធនេះដែរ។ ឪពុករបស់ Messi នឹងត្រូវចំណាយទឹកប្រាក់ប្រមាណជា ១៨០០០០អឺរ៉ូ ប្រសិនបើលោក មិនចង់ជាប់គុករយៈពេល ១៥ខែទេនោះ។

ដូច្នេះហើយ Messi និងឪពុករបស់គេ ត្រូវចូលខ្លួនទៅកាន់ព្រះរាជអាជ្ញាអេស្ប៉ាញ ក្នុងពេលដ៍ខ្លីខាងមុខនេះ ដើម្បីឲ្យអ្នកទាំង២ អាចនៅក្រៅឃុំបាន ព្រោះថា សម្រាប់ Messi គឺជាកីឡាករដ៍សំខាន់បំផុត សម្រាប់ក្រុម Barcelona និងក្រុមជម្រើសជាតិអាហ្សង់ទីន។