ព័ត៌មានកីឡា

អុញនោះ! Leicester ចាប់ផ្តើមចំណាយដើនទុនធំ​ហើយតើ នៅរដូវកាលនេះ

ក្រុមដែលមានមហាសេដ្ឋីថៃ​​ នៅពីក្រោយខ្នង Leicester City បានចាផ្តើមបោះទុនធំ ក្នុងការនាំយកកីឡករចំណូលថ្មីមកកាន់ក្លិប នៅក្នុងរដូវកាលថ្មីខាងមុខនេះ។

ជាការពិតណាស់ Leicester City កំពុងតែចរចារ ជាមួយក្រុម Man City ក្នុងការទិញយកកីឡករខ្សែប្រយុទ្ធ Kelechi Iheanacho ក្នុងពេលដ៍ខ្លីខាងមុខនេះ។ បើតាម The Sun បានឲ្យដឹងថា Leicester បានត្រៀមនូវកញ្ចប់ទឹកប្រាក់ប្រមាណជា ២៥លានផោន ដើម្បីស្នើសុំឲ្យក្រុម Manchester City យល់ព្រមលក់ ខ្សែប្រយុទ្ធ នីហ្សេរីយ៉ាវ័យ ២០ឆ្នាំរូបនេះ។ យ៉ាងណាក៍ដោយ ការរំពឹងក្នុងការនាំយលខ្សែប្រយុទ្ធ Kelechi Iheanacho របស់ Leicester ប្រហែលជាមានសង្ឃឹមខ្ពស់ ព្រោះថា Man City បានសម្លឹងមើលខ្សែប្រយុទ្ធ ថ្មីៗជាច្រើន ដែលទាមទារឲ្យក្លិប ត្រូវតែលក់កីឡាករខ្លះ។

ម្យ៉ាងវិញទៀត ថ្វីបើ Kelechi Iheanacho អាចរកគ្រាប់បាល់បាន ២១គ្រាប់ ក្នុងការបង្ហាញខ្លួន ៦៤លើក ឲ្យ Man City តែលោក Pep Giadiola ហាក់ពេញចិត្តនឹងទម្រង់លេងរបស់ Aguero និង Nolito ជាងខ្សែប្រយុទ្ធវ័យក្មេងរូបនេះ។

ដូច្នេះហើយ ក្រុម Leicester City បានត្រៀមខ្លួនរួចជាស្រេចក្នុងការបោះទុនដ៍ធំ ក្នុងរដូវកាលនេះ ដើម្បីនាំយកខ្សែប្រយុទ្ធថ្មី Kelechi Iheanacho មកចាប់ដៃគូជាមួយ Vardy និង Okazaki ស្របពេលដែល Mahrez បានចាកចេញទៅកាន់ Arsenal ទៅហើយ។

មតិយោបល់