ភ្នំពេញៈ ជនសង្ស័យចំនួន៣នាក់ ត្រូវបានកម្លាំងនគរបាលប៉ុស្តិ៍ចោមចៅក្រោមការបញ្ជាផ្ទាល់ពីលោក យឹម សារ៉ាន់ អធិការនគរបាលខណ្ឌពោធិ៍សែនជ័យ បានធ្វើការបង្ក្រាបនិងចាប់ខ្លួនបានជាបន្តបន្ទាប់ ក្រោយពីជនសង្ស័យទាំងនេះបានធ្វើសកម្មភាព ឆបោកម៉ូតូម៉ាក Zoomer របស់គេមួយគ្រឿង យកទៅដូរយកគ្រឿងញៀន ដើម្បីចែកចាយខុសច្បាប់ ដកហូតបានថ្នាំញៀនចំនួន៨កញ្ចប់ធំតូច ។

ការបង្ក្រាបនេះបានធ្វើឡើងកាលពីរសៀលថ្ងៃទី៩ ខែកក្កដា ឆ្នាំ២០១៧ ស្ថិតនៅចំណុចផ្ទះជួល ភូមិដំណាក់ត្រយឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

មន្ត្រីនគរបាលប៉ុស្តិ៍ចោមចៅបានឲ្យដឹងថា ជនសង្ស័យដែលឃាត់ខ្លួនបានខាងលើនេះ ទី១មានឈ្មោះ ឈិន ណាឡាង ហៅនី អាយុ៣០ឆ្នាំ,ទី២ឈ្មោះ ឡេង ណារិទ្ធ ភេទប្រុស អាយុ៣៦ឆ្នាំ និងជនសង្ស័យទី៣ឈ្មោះ ខន អឿន ភេទប្រុស អាយុ ៣៦ឆ្នាំ។ ក្នុងនោះសមត្ថកិច្ចធ្វើការដកហូតបាន ថ្នាំញៀនចំនួន៨កញ្ចប់ធំនិងតូច រួមនិងឧបករណ៍សម្រាប់ចែកចាយមួយចំនួនទៀត។

បច្ចុបន្នជនសង្ស័យទាំង៣ ខាងលើរួមនិងវត្ថុតាង ត្រូវបានសមត្ថកិច្ចជំនាញកំពុងកសាងសំណុំរឿងបញ្ជូនខ្លួនទៅកាន់ផ្នែកព្រហ្មទណ្ឌខណ្ឌពោធិ៍សែនជ័យ ចាត់ការបន្តតាមនីតិវីធីច្បាប់៕

https://youtu.be/Ep5qcD1QTNg