ភ្នំពេញៈ ហេតុការណ៍ភ្ញាក់ផ្អើលមួយបានកើតឡើង បន្ទាប់ពីម៉ូតូសណ្តោងរម៉ក១គ្រឿង ជិះចូលចាក់សាំងនៅស្ថានីយ៌ប្រេងសូគីមីច មិនដឹងយ៉ាងម៉េចស្រាប់តែឆេះម៉ូតូបង្កឲ្យផ្អើលដល់ប្រជាពលរដ្ឋនិងសមត្ថកិច្ច និងបុគ្គលិកនៅទៅនោះ រកបំពង់ពន្លត់អគ្គិភ័យយកមកបាញ់ពន្លត់ភ្លាមៗផងដែរ។

ហេតុការណ៍កើតឡើងនៅវេលាម៉ោង៩ និង៥៥នាទីព្រឹក ថ្ងៃទី១០ ខែកក្កដា ឆ្នាំ២០១៧ នៅតាមបណ្តោយផ្លូវលេខ១៨២ ត្រង់ចំណុចស្ថានីយ៍ប្រេងសាំងសូគីមីច កែងនិងស្តុបទេពផន ក្នុងសង្កាត់ទឹកល្អក់ទី៣ ខណ្ឌទួលគោក។

ប្រភពព័ត៌មានពីកន្លែងហេតុ បានឲ្យដឹងថា មុនពេលកើតហេតុ គេឃើញបុរសម្នាក់ជិះម៉ូតូសណ្ដោងរម៉ក១គ្រឿង ចូលចាក់សាំង បន្ទាប់ពីចាក់សាំងរួចហើយ បានធាក់ម៉ូតូបញ្ចេះ មិនដឹងយ៉ាងមិចស្រាប់តែមានអណ្ដាតភ្លើងឆេះម៉ូតូតែម្តង។

ក្រោយពេលកើតហេតុ ម្ចាស់ម៉ូតូបានយករម៉កដឹកអេតចាយ បានមកដឹកយកម៉ូតូដែលឆេះទៅជួសជុលវិញផងដែរ៕

https://youtu.be/nnmUyW0uFCs