ព័ត៌មានជាតិ

បង្ក្រាបក្រុមជក់គ្រឿងញៀន២២នាក់ ដកហូតបានថ្នាំ និងអាវុធមួយចំនួន នៅសង្កាត់ផ្សារកណ្តាលទី១

(​ភ្នំពេញ​)៖ កម្លាំង​នគរបាល​ប៉ុស្តិ៍​ផ្សារកណ្តាល​ទី​១ ​ខណ្ឌដូនពេញ ​សហការ​ជាមួយ​កម្លាំង​សណ្តាប់ធ្នាប់​ផ្សារកណ្តាល ​នៅ​រសៀល​ថ្ងៃទី​៦ ខែមេសា ​ឆ្នាំ​២០១៦​នេះ​បាន​ចុះទៅ​បង្ក្រាប និង​ចាប់ខ្លួន​ក្រុម​ជក់​គ្រឿងញៀន ​និង​ក្រុម​អនាថា ចំនួន​២២​នាក់ ក្នុង​នោះ​ស្រី​១១​នាក់ នៅ​សង្កាត់​ផ្សារកណ្តាល​ទី​១​។

ប្រតិបត្តិការ​នេះ ​កម្លាំង​សមត្ថកិច្ច និង​កម្លាំង​សណ្តាប់ធ្នាប់​​ផ្សារ ​បាន​ធ្វើ​ការ​ដកហូត​ថ្នាំញៀន ឧបករណ៍​សម្រាប់​ជក់ ​និង​អាវុធ​ដូចជា​ដាវ​សាំ​ម៉ូ​រ៉ៃ ​មួយ​ចំនួន​ផងដែរ​។​

​លោក ចាប ឌី​ណា ​ប្រធាន​ផ្សារកណ្តាល ​បាន​ឲ្យ​ដឹងថា ​ក្រោម​ការណែនាំ​ពី​អភិបាលខណ្ឌ​ដូនពេញ​លោក គួច ​ចម្រើន លើ​ការចុះ​រៀបចំ​សណ្តាប់​តាម​មូលដ្ឋាន ក៏ដូចជា​ ប្រមូល​ជនអនាថា​នោះ លោក​បាន​ដឹកនាំ​កម្លាំង​សណ្តាប់​ធ្នាប់​សហការ​ជាមួយ​នគរបាល​ប៉ុស្តិ៍ ចុះទៅ​ត្រួតពិនិត្យ​នៅ​ទឹកដី​ផ្សារ​កណ្តាល​ទី​១ ស្រាប់តែ​ប្រទះឃើញ​ពួកគេ​ជក់​គ្រឿងញៀន ​ក៏​ធ្វើការ​ឃាត់ខ្លួន​ជា​បន្តបន្ទាប់​តែម្តង​។

ជនសង្ស័យ​ទាំងអស់នេះ ​ និង​វត្ថុតាង​ដែល​រឹបអូស ​បាន​ត្រូវ​បាន​បញ្ជូនទៅ​សួរនាំ នៅ​អធិការដ្ឋាន​នគរបាល​ខណ្ឌដូនពេញ ​ដើម្បី​ចាត់ការ​បន្តទៀត​៕

photo_2016-04-06_06-44-41 photo_2016-04-06_06-44-48 photo_2016-04-06_06-44-54 photo_2016-04-06_06-45-00

មតិយោបល់