សៀមរាប: យោងតាមផេកស្នងការដ្ឋាននគរបាលខេត្តសៀមរាប បានឲ្យដឹងថា នៅវេលាម៉ោង២រសៀលថ្ងៃទី១២ ខែកក្កដា ឆ្នាំ២០១៧នេះ លោកវរ:សេនីយ៍ទោ ជី បេងជន អធិការនៃអធិការដ្ឋាននគរបាលស្រុកក្រឡាញ់ បានដឹកនាំកម្លាំងក្នុងអង្គភាពចុះអនុវត្តន៍ដីកាបង្គាប់ឲ្យចាប់ខ្លួន និងឃុំខ្លួនលេខ៣៥១/២០១៤ ចុះហត្ថលេខាដោយលោក ហុក ពៅ ប្រធានក្រុមប្រឹក្សាជំនុំជម្រះនៃសាលាដំបូងខេត្តសៀមរាប ចុះទៅឃាត់ខ្លួនឈ្មោះ ឈាន ស្រស់ ភេទប្រុស ឆ្នាំកំណើត១៩៨៦ ស្នាក់នៅភូមិតាសែង ឃុំស្នួល ស្រុកក្រឡាញ់ ខេត្តសៀមរាប ពីបទអំពើលួច។

ជនល្មើសខាងលើនេះត្រូវបានកម្លាំងសមត្ថកិច្ចបញ្ជូនខ្លួនមកកាន់ការិយាល័យជំនាញនៃស្នងការដ្ឋាននគរបាលខេត្តនៅថ្ងៃទី១២ ខែកក្កដា ឆ្នាំ២០១៧ម្សិលមិញនេះ ដើម្បីចាត់ការបន្តទៅតាមនីតិវិធីច្បាប់៕